Зомин шахрида курулиши режалаштирилган йиллик ишлаб чикариш куввати 30000 дона бўлган қурулиш ғиштини ярим қуруқ усулида ишлаб чиқариш корхонасини лойиҳалаш

Қурилиш керамик маҳсулотларини ишлаб чиқаришда гилтупроқ материалларни тайёрлаш схемасини танлаш

Ишлаб чиқаришнинг технологик схемасини танлашда қуйидаги омилларни ҳисобга олиш зарур: хом ашёнинг химиявий ва минералогик таркибини, чўкиндилар мавжудлиги ва уларнинг тайёр махсулот ишлаб чиқариш жараёнинг технологик параметрларига таъсирини назарда тутади. Технологик схема ва ускуналарни танлашни шундай амалга ошириш керакки, унда намлик, донодор таркиб, пластиклик, чўкиш, қуритиш ва пишириш температуралари хоссалари ҳамда параметрлари ўз аксини топсин.

Келтирилган хоссалар бўйича маълумотлар адабиёт манбалари ва корхона лабараториясида ўтказилган синов натижалари шаклида қабул қилиниши мумкин. Маъиший ва саноат чиқиндиларидан, уларнинг химиявий таркиби ва хоссаларини, хом ашё материалларни ташиб келтиришнинг транспорт харажатларини ҳисобга олган ҳолда фойдаланиш имкониятига эътибор қаратиш зарур. Шу сабабли, деворбоп керамик материаллар ишлаб чиқишда, гилтупроқларнинг яқинда жойлашган манбаларидан фойдаланиш мақсадга мувофиқ бўлади. Керамик материаллар ишлаб чиқаришни ташкил этиш қуйидаги схема шаклида амалга оширилиши мумкин:
1-жадвал
Керамик материаллар ишлаб чиқаришни ташкил этиш схемаси

Технологик ишланма ва маҳсулот ишлаб чиқаришни ташкил этиш

Берилган хоссага эга бўлган маҳсулот ишлаб чиқариш учун ижобий омилларни баҳолаш

Дастлабки материалларни танлаш

Химиявий ва физика-химиявий хоссаларини назорат қилиш

Эксплуатация шартларини ҳисобга олиш ва маҳсулотнинг истеъмол хоссаларини ҳисоблаш

Талаб қилинган маҳсулот

Манба: Технология керамики : учеб.-метод. пособие по дисциплине «Технология керамики» для студентов специализации 1-48 01 01 09 «Технология тонкой, функциональной и строительной керамики» / И. В. Пищ. – Минск : БГТУ, 2006. – 82 с.

Янги турдаги маҳсулотни яратишда дастлабки материалларни танлаш ёндошуви асосида, истеъмол хоссалари, талаб этиладиган дастлабки компонент ва ишлаб чиқариладиган маҳсулотни ҳисобга олган ҳолда амалга ошириш талаб этилади. Керамик ғишт ишлаб чиқаришда гилтупроқнинг таркиби ва хоссаларига боғлиқ ҳолда, уни қайта ишлашнинг қуйидаги блок – схемасини қабул қилиш мумкин.