Ózbekstan respublikasí xalíQ BILIMLENDIRIW MINISTRLIGI QARAQALPAQSTAN RESPUBLIKAI xalíq bilimlendiriw xízmetkerlerin qayta tayarlaw hám olardíŃ QÁnigeligin arttíRÍw aymaqlíq orayí

2. Basqarıw mádeniyatı. Basqarıw mádeniyatı júdá zárúrli bolıp tabıladı. Insaniyat óz rawajlanıw processinde júdá úlken basqarıw tájiriybesin jıynaǵan. Bazar sharayatında bul tájiriybe basqarıw natiyjeliligin asırıwǵa xizmet etiwi kerek. Basqarıwdıń payda bolıwı hám rawajlanıwı, áwele basqarıw mádeniyatı dárejesi rawajlanıwı menen baylanıslı sebebi, basqarıw jolları, usılları, qural hám usıllarına sın pikir beriw jolı menen, olardıń eń jaqsıları jáhán tájiriybesinde qolanıw ushın ajıratıp alındı.
Basqarıw mádeniyatı dárejesi - xızmetkerler, ásirese, menejerler mádeniyatın, menejment processi mádeniyatı, basqarıw texnikası, miynet sharayatın sáwlelendiriwshi kórsetkishler boyınsha bahalanadı. Menejment mádeniyatı elementleriniń hár qıylılıǵı basqarıw processinde hár qıylı normalarǵa, atap aytqanda, etikalıq, huqıqıy, ekonomikalıq, shólkemlestirilgen, texnikalıq, estetikalıq normalarǵa ámel qılıw zárúrligin keltirip shıǵaradı.
3. Basshı mádeniyatı. Basshı mádeniyatı quramına basqarıw xızmetkerleri mádeniyatı, basqarıw processleri mádeniyatı, miynet sharayatı mádeniyatı hám hújjetler júrgiziw mádeniyatı kiredi.
Menejment mádeniyatınıń barlıq elementleri óz-ara baylanıslı hám óz-ara tásir etiwshi bolıp tabıladı. Usınıń menen birge olar arasında basqarıw xızmetkerleri mádeniyatı jetekshi ahmiyetke iye. Menejer basqarıw processi mádeniyatınıń joqarı dárejesine erisiw hám óz miynetin shólkemlestiriwdi rawajlandırıp barıwı kerek. Onıń ushın Basshı óz iskerligin mudamı sın analiz etip barıwı hám Basshılıq mádeniyatın úzliksiz rawajlandırıp barıwı kerek.
Ámeliy shınıǵıw dawamında óz-ózin bahalaw metodınan paydalanıladı. Húrmetli tıńlawshı! Bilimlendiriw tarawı sistemasında basqarıw hám Basshı mádeniyatına ıye bolıw ushın onı mudamı rawajlandırıp barıw kerek. Ózińizdiń qanday Basshı ekenligińizdi anıqlaw maqsetinde ketekshelerde berilgen sorawlarǵa juwap beriń. 3 ketekshedegi sorawǵa kurs dawamında ózińiz jaqın bolıp qalǵan kisińiz sizge dos sıpatında sizge baha bersin.