Ўзбекистон республикасининг қонуни

15-модда. Пенсияларни тайинлаш шартлари
(ЎзР 22.12.2010 й. ЎРҚ-272-сон Қонуни таҳриридаги модда матни)
(Олдинги таҳририга қаранг)

Ногиронлик пенсиялари қонун ҳужжатларида белгиланган тартибда I ва II гуруҳ ногиронлари деб топилган шахсларга тайинланади.

Қаранг: ВМ 2011 йил 1 июлдаги 195-сон Қарори билан тасдиқланган "Фуқароларни тиббий-меҳнат эксперт комиссияларида тиббий кўрикдан ўтказиш тартиби тўғрисида"ги Низомнинг IV, V бўлимлари; ВМ 2014 йил 23 декабрдаги 357-сон Қарори билан тасдиқланган "Фуқароларнинг давлат пенсия таъминоти тўғрисида"ги Ўзбекистон Республикаси Қонунига мувофиқ пенсия тўлашга харажатларни қоплаш Тартиби"нинг II бўлими
16-модда. Ногиронлик гуруҳлари

Соғлиғини ёки меҳнат қобилиятини йўқотганлик даражасига қараб, ногиронликнинг уч гуруҳи аниқланади.

Қаранг: ВМ 2011 йил 1 июлдаги 195-сон Қарори билан тасдиқланган "Фуқароларни тиббий-меҳнат эксперт комиссияларида тиббий кўрикдан ўтказиш тартиби тўғрисида"ги Низомнинг 22-банди

Ногиронлик сабаблари ва гуруҳлари, шунингдек ногиронлик бошланган вақт ва ногиронликнинг қанча муддатга белгиланиши Ўзбекистон Республикаси Вазирлар Маҳкамаси тасдиқлайдиган улар тўғрисидаги Низом асосида ишловчи тиббий-меҳнат эксперт комиссиялари (ТМЭК) томонидан аниқланади.

Қаранг: ВМ 2008 йил 8 августдаги 175-сон Қарори билан тасдиқланган "Тиббий-меҳнат эксперт комиссиялари тўғрисида"ги Низом
17-модда. Пенсия олиш ҳуқуқини берадиган иш стажи

Меҳнатда майибланганда ёки касб касаллигига учраганда бериладиган ногиронлик пенсиялари иш стажидан қатъи назар тайинланади.

Қаранг: ВМ 2011 йил 1 июлдаги 195-сон Қарори билан тасдиқланган "Меҳнатда майиб бўлган ёки касб касаллигига чалинган шахсларнинг касбий меҳнатга лаёқати йўқотилиши даражасини аниқлаш тартиби тўғрисида"ги Низомнинг 1, 2-иловалари; ВМ 2011 йил 8 сентябрдаги 252-сон Қарори билан тасдиқланган "Давлат пенсияларини тайинлаш ва тўлаш тартиби тўғрисида"ги Низомнинг 50-банди

Умумий касаллик туфайли бериладиган ногиронлик пенсиялари ногиронлик бошланган пайтга қадар қуйидагича иш стажига эга бўлган тақдирда тайинланади: