Ўзбекистон республикаси қурилиш вазирлиги ўзбекистон республикаси

7.1. - расм. Шип плиталарининг кўриниши
Ҳозирги кунда саноат миқёсида кўпик пластдан бир неча шип плиталари турлари тайёрланмоқда (7.1. – расм).
Зичланган плиталар - қалинлиги 7 мм гача. Шип плиталарининг бу тури юқори даражадаги иссиқлик ва товушдан изоляциялаш хусусиятларига эга. Бу ҳолат уларнинг юқори ғовак тузилиши билан тушунтирилади. Улар ғадир-будир юзали бўлади. Ҳозирда шипларни қоплашда энг қулай бундай плиталар оддий технологияда амалга оширилмоқда.
Инжекция плиталари 14 мм гача қалинликда бўлади. Бундай турдаги шип плиталари эритилган полимер аралашмани ашёни қолипга қуйиш ва унга иссиқлик билан ишлов бериш натижасида қотирилади.
Кўпик пласт плиталар
Инжекция усулида олинган кўпик пласт плиталар юпқа қатлам кўринишида ва зич тузилишга эга бўлади. Қалинлиги юпқа бўлишига қарамасдан улар механик кучлар таъсирига чидамлидир. Ғовак тузилишга эга инжекция кўпик пластлари юзаларига бўёқ сепиш мумкин.
Экструдерда полистирол аралашмасига ишлов берилгандан кейин 50х50 сантиметр ўлчамда плита кесиб олинади. Бунда чоклар ўрнини релъефли фактура эгаллайди. Яъни, шип юзаси бир бутун бўлиб кўринади.
Ялтироқ юзали бундай плиталарни бўяш яхши самара бермайди. Уларга маълум бир ранг бериш учун иссиқлик таъсирида (термоплёнка) махсус парда ёпиштирилади.
Шундай қилиб, экструдерда тайёрланган плита, зичланган ва инжекция плиталаридан фарқли равишда фақат оқ рангда олинади. Уни индивидуал қисмлар билан тўлдириш мумкин эмас.
Шип плиталари қандай ёпиштирилади?
Кўпик пласт плиталари билан шипни пардозлаш, асосни (юзани) тайёрлашдан бошланади.
Агар олдин шип оқланган бўлса, юза қирилилади ва асос грунтовка қилинади.
Агар шипга гулқоғоз ёпиштирилган бўлса, у олиб ташланади ва асос грунтовка қилинади. Агар шип юзаси текис бўлмаса, олдин у текисланади, кейин грунтовка қилинади.
Кўпик пласт плиталарини шип ёпиштириш учун «Moment – суюқ мих» елимини ишлатиш мумкин. Чунки, у 15-25 дақиқа ичида қотади. Бунда, «Dragon» туридаги елимни ишлатиб бўлмайди. Чунки, у ҳаддан ташқари суюқ ҳамда унинг ёпиштириш хусусияти жуда паст, елим қотиб бошлагунча плиталарни қўлда ушлаб туришга тўғри келади. Нотекис бўлган шиплар учун яхши елим сифатида “финишная шпаклевка” ишлатилади. У ёрдамида бир вақтнинг ўзида шипни текислаш ҳамда кўпик пласт плиталарни ишончли ёпиштириш мумкин. Бунда, “финишная шпаклевка”нинг 1 кг га 200 грамм ПВА елими қўшилади.