Ўзбекистон республикаси олий ва ўрта махсус таълим вазирлиги тошкент ирригация ва мелиорация институти

К И Р И Ш

Ушбу методик кўрсатма «Давлат Таълим Стандартлари» га мувофиқ «Машина деталлари ва кўтариш ташиш машиналари» фанини ўрганувчи қуйидаги бакалавр йўналишларининг ўқув дастурига асосан тайёрланган:

5650300 ─ Сув хўжалиги ва мелиорация ишларини механизациялаш
5650500 ─ Сув хўжалигида мелиоратив, транспорт машиналари ва қурилмаларидан фойдаланиш, уларга сервис хизмат кўрсатиш

Халқ хўжалигининг турли саноат корхоналарида хом ашёни ташиш, ҳамда уларга ишлов бериш учун технологик машиналар ва юк ташиш қурилмаларидан кенг фойдаланилади. Ушбу машина ва қурилмаларни харакатга келтириш учун турли юритмалардан фойдаланилади.
Қуйидаги КЛИ ва ХГИни бажарилишидан мақсад талабаларнинг «Машина деталлари ва кўтариш ташиш машиналари» фанининг, хусусан машина деталлари бўлимида айланма харакатдаги механизмларнинг кинематик таҳлили, ҳамда ускуна ва жихоз юритмаларини кинематик схемалари ва ишончли ишлашини таъминлашни ўрганишда олган билимларини мустахкамлаш ва чуқурлаштиришдир. Кинематик ҳисобни бажаришда талабалар лойихалашдаги дастлабки кўникмага эга бўладилар ва энг содда юритмаларнинг тузилиши ва ишлаш жараёни билан танишадилар.
Бу ишда талабадан умумий юритма учун соддалаштирилган кинематик ҳисобни бажариш талаб этилади. Бу хилдаги юритмалар ишлаб чиқариш саноатининг турли сохаларини технологик машиналарида кенг қўлланилади.
Мазкур методик кўрсатмада технологик машиналар ва юк ташиш қурилмалари юритмаларига, ҳамда айланма харакатларни узатиш механизмларига қисқача характеристикалар берилган ва хисоб графика ишини бажариш ва расмийлаштириш тартиби келтирилган. Шунингдек хисоб-графика иши ва курс лойиха ишларига топшириқ ва вариантлар берилган.