Ўзбекистон республикаси навоий кон-металлургия комбинати давлат корхонаси

Фойда – корхона фаолиятининг якуний молияий натижаси; пул тушуми ва харажатлар ўртасидаги фарқ.
Фонд қайтими – асосий ишлаб чиқариш фондларининг бир сўмига тўғри келувчи маҳсулот (хизмат, иш) миқдори.
Фонд сиғими –фонд қайтимига тескари бўлган нисбат бўлиб, асосий ишлаб чиқариш фондлари ўртача қийматининг ишлаб чиқарилган маҳсулот ҳажмига нисбати сифатида ҳисобланади.
Фондлар билан таъминланганлик – асосий ишлаб чиқариш фондлари билан таъминланганлик кўрсаткичи (асосий ишлаб чиқариш фондларининг корхонанинг ҳар бир ходимига тўғри келувчи миқдори).
Франчайзинг – воситачилик орқали ўзаро фойдали шартномавий ҳамкорлик муносабатларга асосланган йирик ва кичик тадбиркорликнинг аралаш шакли.
Функционал тузилма - раҳбарлар ва бўғинларни ҳар хил вазифаларда, аниқ бўлинмалардаги бошқарув фаолиятини ихтисослаштиришга қаратилган бошқарув тузилмаси.
Xолдинг компанияси - ўз капиталидан бошқа компанияларни бошқариш, уларга раҳбарлик қилиш ва дивиденд олиш мақсадида уларнинг аксияларини сотиб олиш орқали фойда кўрувчи аксиядорлик компанияси.
Xусусийлаштириш – давлат мулкини бошқа мулкчилик шаклларига, жумладан, жамоа, аксиядорлик ва хусусий мулкка ўтказишда мулкчилик муносабатларининг ўзгариш жараёни.
Чизиқли (поғонали) тузилма – бошқарув тузилмасининг энг содда тури бўлиб, бунда бошқарувнинг барча вазифа-топшириқлари корхона раҳбари орқали тўғридан-тўғри ва поғонама-поғона (дарахцимон тарзда) тарқалади.
Эҳтиёж– бирор нарсага камчилик сезишнинг жисмоний ёки руҳий ички аҳволи. Базисли эҳтиёжлар жисмоний (физиологик) эҳтиёжлар билан боғлиқ бўлиб, озиқ-овқатга, ичимликка, иссиқликка бўлган эҳтиёжлар киради. Руҳий эҳтиёжларга жамият ёки гуруҳ одамлари учун тегишли бўлган маънавий-маърифий эҳтиёжлар киради.
Ялпи даромад – корхона фаолиятининг якуний натижаларини тавсифлайдиган ялпи пул тушуми.
Ялпи пул тушуми – товар, иш, хизмат ёки моддий бойликларни сотишдан тушувчи пулнинг умумий миқдори.