Ўзбекистон республикаси навоий кон-металлургия комбинати давлат корхонаси

Ишлаб чиқаришни кимёлаштириш – маҳсулот ишлаб чиқаришда кимёвий маҳсулот ва сунъий материаллар, шунингдек, кимёвий усуллардан кенг фойдаланиш.
Ишлаб чиқаришнинг диверсификацияси – бир томонлама, кўпинча битта маҳсулотга асосланувчи ишлаб чиқаришни кенг номенклатурада тайёрланувчи маҳсулотларга асосланган ишлаб чиқаришга ўтказиш.
Ишлаб чиқаришнинг ихтисослашуви – йирик корхоналарда технология ва тузилмаси бир хил бўлган маҳсулотларни оммавий равишда ишлаб чиқариш тарзи.
Қайта тиклаш – мавжуд ишлаб чиқаришни техник ва ташкилий такомиллаштириш, асосий фондларни мажмуавий равишда янгилаш ва замонавийлаштириш асосида тўлиқ қайта қуриш жараёни.
Капитал қуйилмалар - асосий фондларни қайта тиклаш ва ўстиришга сарфланувчи моддий, меҳнат ва пул ресурслари харажатлари.
Капитал қурилиш - асосий фондларни янги корхона қуриш, мавжуд корхоналарни қайта тиклаш, кенгайтириш, техник жиҳатдан қайта қуроллантириш ва замонавийлаштириш йўли билан яратиш ва мукаммаллаштириш жараёни.
Капитал сиғими ­- асосий капиталнинг мос келувчи давр мобайнида ишлаб чиқарилган маҳсулот ёки унинг бирон-бир қисмини миллий даромад, соф даромад, фойдага нисбатан тавсифловчи кўрсаткич.
Қарор – тўхтам, битим, бажарилиши мумкин бўлган ишнинг аниқ бир йўлини танлаб олиш, у ёки бу йўлни танлаб олиш, бир фикрга келиш.
Қарор қабул қилиш –корхона ёки ташкилот раҳбарининг ўз ваколати ва омилкорлиги доирасида мақсадга эришиш йўлининг муқобилни танлаш жараёни.
Картел – бир соҳа фирмаларининг бир-бирлари билан биргаликдаги тижорат фаолияти ҳақида келишуви орқали уюшиши.
Кибернетика – мураккаб динамик тизимларни мақсадли ва оптимал (мақбул) бошқарув тўғрисидаги фан ёки соҳа.
Қимматли қоғозлар бозори – аксиялар, облигациялар ва бошқа қимматбаҳо қоғозларнинг бирламчи ва иккиламчи бозори.
Қобилият - кишига хос даража, хислат (масалан, меҳнат, ақлий ва б. қобилият).
Комбинациялаш – битта корхона - комбинат доирасида саноатнинг битта ёки бир нечта тармоқларидаги турли хил ишлаб чиқаришларни технологик жиҳатдан бирлаштиришда ифодаланувчи ишлаб чиқаришни умумлаштириш шаклларидан бири.