Ўзбекистон республикаси халқ таълими вазирлиги дарсликнинг янги нашри устоз Ўзбекистонда хизмат кўрсатган Фан ва теҳника арбоби профессор

Характернинг аҳлоқий хислатлари.
Характер кучи ва мустаҳкамлигини ифодалайдиган барча хислатлар уларда шахснинг аҳлоқий маслаги, маънавий қиёфаси намоён бўлгани учун ижобий қимматга эга бўлади.
Аҳлоқий ёки маънавий характер хислатлари деб кишининг аҳлоқий эътиқодларини акс эттирадиган хислатларига айтилади. Маънавий характер хислатлари, жумладан кишини бошқа одамларга жамиятга, меҳнатга ва шунингдек, ўз-ўзига муносабатида намоён бўлади.
Кишининг эътиқодларини ифодалайдиган характер хислатлари
Кишининг маънавий қиёфаси ҳақида аввало, унинг ҳатти-ҳаракати ва ҳулқига қараб ҳукм қиламиз. Кишининг маъ­навий қиёфаси аввало унинг ҳатти-ҳаракатлари ва ҳулқида намоён бўлади.
Аҳлоқли одам деб ўзларининг интилишларида, қарорларида ва ҳаракатларида ҳар доим гуманистик аҳлоқ принцпларига амал қилувчи кишиларни айтамиз.
Қатъият, сабот, дадиллик, матонат, ташаббускорлик, масъулият ҳисси интизомлилик ва шу каби ирода хислатлари кишининг аҳлоқий қиёфасини, унинг мустаҳкам эътиқод ва барқарор аҳлоқий ҳиссини ифодалаганлиги сабабли, биз бу хислатларни юксак сифатлар деб тақдирлаймиз.
Улар қайси киши характерининг маънавий даражаси, ав­вало ўз фаолиятларида ёки ўзининг айрим ҳатти-ҳаракатларида, тамойилларида асосланадиган мотивларида намоён бўладики, киши ўз интилиш, қарорларини ва ўз ҳаракатларини шунингдек, бошқалар томонидан чиқариладиган қарор ва ҳаракатларини шу нуқтаи назаридан баҳолайди. Халқимизнинг азал-азалдан, масалан, Тўмарис, Широқ, Фарҳод ва бугунги куннинг бошқа кўпгина қаҳрамон йигит ва қизлари характерининг мустаҳкам матонатли бўлганлиги улардаги эътиқод, уларнинг ватанпарварлик, ўз халқига, давлатига фидокорона садоқат руҳида тарбияланганликлари самарасидир. Кишиларнинг маънавий фазилати–ростгўйлик, тўғрилик, халқ манфаатларига, Ватан манфаатларига садоқатлиликларидадир. Аҳлоқли кишилар давлат манфаатларини шахсий манфаатларидан юқори қўядиган кишилардир.
Миллий характерни олижаноб аҳлоқий фазилати – Ватан ва ўз халқининг бахту-саодати учун, жамият идеалларини амалга ошириш учун курашларда ўз ҳаётини қурбон қилишга тайёр туришдир.