Ўзбекистон республикаси бош прокуратура академияси коррупцияга қарши курашиш илмий-таълим маркази

 
Казус 11. Жиян 
Сиз фуқаролик ишлари бўйича туманлараро суд судьяси. Сизнинг хотинингизнинг 
(эрингизнинг) жияни ўз хотинига жисмоний ҳужум қилганликда айбланмоқда. Сизнинг 
хотинингиз (эрингиз) жияни билан учрашиб “унинг фикрини эшитишни” ва унга маслаҳат 
беришингизни Сиздан илтимос қилади. Сиз жияни билан учрашганингизда, у жанжални ўз хотини 
бошлагани, у ўзини хотинидан ҳимоя қилганлигини тасдиқлашга уринади. У Сиздан ўзининг 
жиноий ишини суда кўриш билан шуғулланадиган судья билан гаплашиб, мазкур вазиятни 
тушунтириб, унга ёрдам беришини илтимос қилади.
Савол:

---

79 
1. Бундай вазиятда Сиз қандай йўл тутган бўлардингиз? 
2. Жиянингизнинг иши бўйича судья билан боғланишингиз мумкин-ми? 
3. Агар Сиз судья билан мазкур иш бўйича боғлансангиз, қандай этика принципларини 
бузишга йўл қўйган бўлардингиз?
 
Казус 12. Кечги овқат 
Сиз Тошкент шаҳрида ер участкасига (майдонига) нисбатан эгалик ҳуқуқига оид фуқаролик 
ишини кўрмоқдасиз. Низо бир тадбиркор ва шаҳар маъмурияти ўртасида бормоқда. Тадбиркор ер 
майдонига нисбатан эгалик ҳуқуқини ўз отасидан олганини ва у ерда уй-жой қурмоқчи эканлигини 
тасдиқлашга уринади. Шаҳар маъмурияти эса бошқа бир тадбиркор билан ҳамкорликда мазкур 
майдонда шаҳар бюджети учун фойда келтирадиган савдо объектини қўримоқчи эканлигини 
асослашга ҳаракат қилади.
Сиз мазкур ишга оид қонун ва далилларни ўрганиб чиқаётган айни бир пайтда, Сизга шаҳар 
маъмуриятидан юқори лавозимдаги бир шахс қўнғироқ қилиб, Сизни ресторанга кечги овқатга 
таклиф қилади. Сиз у ерга келганингизда, мансабдор шахс мазкур ишни муҳокама қилишга 
киришади, ва сизга бу майдонда қурилишга бўлган ҳуқуқни қўлга киритиш шаҳар аҳолиси учун 
нақадар муҳим аҳамиятга эга эканлигини тушунтиради. Кейин шаҳар маъмурияти қурилиш 
компанияси билан амалга оширмоқчи бўлган қурилишга оид қўшма лойиҳанинг икр-чикирларини 
батафсил тасвирлаб беради. Мазкур тафсилотлар сиз танишиб чиқаётган ишга киритилмаган эди.
Савол:
Мазкур суҳбатга нисбатан Сизнинг муносабатингиз қандай бўлиши керак? 
Кечги овқатга боришингиз шартмиди? 
Бундай учрашув ва муҳокамага йўл қўйиш мумкин-ми? Агар мумкин бўлса, Сиз нима қилган 
бўлардингиз? Мазкур ишни кўришни давом эттирган бўлармидингиз?
Бу вазият қандай одоб-аҳлоқ тамойилларини бузилишига олиб келади?