Ўзбекистон Республикаси Адлия вазирлиги Япония Халқаро Ҳамкорлик Агентлиги

Рухсат этиш хусусиятига эга ҳужжатнинг амал қилишини тугатиш тўғрисидаги қарорни тадбиркорлик субъектига етказиш муддати

Қонуннинг 23-моддаси тўртинчи қисмига мувофиқ суднинг рухсат этиш хусусиятига эга ҳужжатнинг амал қилишини тугатиш тўғрисидаги қарори тадбиркорлик субъектига ва ваколатли органга қонун ҳужжатларида белги- ланган муддатларда етказилади.

Ўзбекистон Республикаси Хўжалик процессуал кодексининг 115¹³-моддасига асосан фаолиятни чеклаш, тўхтатиб туриш ва тақиқлаш, бундан фавқулодда вазиятлар, эпидемиялар ҳамда аҳолининг ҳаёти ва саломатлиги учун бошқа реал хавф юзага келишининг олдини олиш билан боғлиқ ҳолда фаолиятни ўн иш кунидан кўп бўлмаган муддатга чеклаш, тўхтатиб туриш ҳоллари мустасно. Хўжалик процессуал кодексининг 155¹⁸-моддасига мувофиқ ҳуқуқий таъсир чорасини қўллаш тўғрисидаги иш бўйича ҳал қилув қарорининг кўчирма нусхаси қабул қилинганидан кейин уч иш куни ичида хўжалик суди томонидан ишда иштирок этувчи шахсларга юборилади.
Қонуннинг 23-моддаси ваколатли органнинг рухсат этиш хусусиятига эга ҳужжатнинг амал қилишини тугатиш тўғрисидаги қарорини тадбиркорлик субъектига ушбу қарор қабул қилинган кундан эътиборан уч кундан кечик- тирмай етказилиши кераклигини белгилади.

12. Рухсат этиш хусусиятига эга ҳужжатнинг амал қилишини тугатиш тўғрисидаги қарорининг шакли ва мазмунига нисбатан қўйилган талаблар

Қонуннинг 23-моддаси бешинчи-қисмида рухсат этиш хусусиятига эга ҳуж- жатнинг амал қилишини тугатиш тўғрисидаги қарорининг шакли ва мазмунига нисбатан қўйилган талабларни белгилайди.

Масалан, ушбу қисм ваколатли органнинг рухсат этиш хусусиятига эга ҳужжатннинг амал қилишини тугатиш тўғрисидаги қарорининг шаклинига нисбатан, ушбу қарор тадбиркорлик субъектига ёзма шаклда етказилиш иши ифодалайди. Бошқача сўз билан айтганда ушбу қарор зарурий реквизитларга эга бўлган расмий ҳужжат шаклида расмийлаштирилиши лозим.
Ваколатли органнинг рухсат этиш хусусиятига эга ҳужжатнинг амал қили- шини тугатиш тўғрисидаги қарорининг мазмунига тўхталадиган бўлсак, Қонуннинг 23-моддаси қарорда рухсат этиш хусусиятига эга ҳужжатнинг амал қилишини тугатиши сабаблари ва қонунчиликнинг конкрет нормалари кўрсатилиши лозим.
Ваколатли органнинг рухсат этиш хусусиятига эга ҳужжатнинг амал қили- шини тугатиш тўғрисидаги қарори рухсат этиш хусусиятига эга ҳужжатнинг амал қилишини тугатишнинг ҳуқуқийлигини тасдиқловчи далиллар бўлиши лозим.
Шунингдек, Қонуннинг 23-моддаси рухсат этиш хусусиятига эга ҳужжатнинг амал қилишини тугатиш тўғрисидаги қарор тадбиркорлик субъекти томонидан олинган кундан эътиборан ўн кун ичида рухсат этиш хусусиятига эга ҳужжат ваколатли органга қайтарилиши ва йўқ қилиниши керак деб белгилайди.

13.