Ваколатли органнинг рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарори устидан шикоят қилиш
Қонуннинг 22-моддаси еттинчи қисмига мувофиқ ваколатли органнинг рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарори устидан белгиланган тартибда шикоят қилиниши мумкин. Шикоят қилиши ҳуқуқи ваколатли орган ёки суднинг қарори, шунингдек ваколатли орган мансабдор шахсининг ҳаракати (ҳаракатсизлиги) ни ушбу қарордан норози бўлган тадбиркорлик субъекти талаби бўйича қонунийлигини тек- ширишни амалга оширишни билдиради.
Қонуннинг 22-моддаси еттинчи қисмига асосан юридик ва жисмоний шахс бўлган тадбиркорлик субъектлари ваколатли органнинг рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарори устидан маъмурий тартибда (ушбу тартиб бўйсунув тартибидаги юқори турувчи органга ёки мансабдор шахсга шикоят қилишни билдиради) ҳам суд тартибида (шикоят ишларни судловлигини инобатга олган ҳолда хўжалик судлари орқали амалга оширилади) шикоят қилиш ҳуқуқига эга.
Мазкур қўлланманинг 14-бобида шикоят қилиш тартиби ҳақида батафсил маълумот берилган.
Рухсат этиш хусусиятига эга ҳужжатнинг амал қилишини тўхтатиб турилишини суд томонидан асоссиз деб топиш
Рухсат этиш хусусиятига эга ҳужжатнинг амал қилишини тўхтатиб туриш суд томонидан асоссиз деб топилган тақдирда, ваколатли орган тадбиркорлик субъекти олдида у кўрган зарар миқдорида жавобгар бўлишини белгилаган норма Ўзбекистон Республикасининг Фуқаролик кодекси 15-моддаси нормала- ридан келиб чиқади. Ушбу моддага асосан давлат органлари, фуқароларнинг ўзини ўзи бошқариш органлари ёки ушбу органлар мансабдор шахсларининг ғайриқонуний ҳаракатлари (ҳаракатсизлиги), шу жумладан давлат органи ёки фуқароларнинг ўзини ўзи бошқариш органлари томонидан қонун ҳуж- жатларига мувофиқ бўлмаган ҳужжат чиқарилиши натижасида фуқарога ёки юридик шахсга етказилган зарар давлат томонидан ёки фуқароларнинг ўзини ўзи бошқариш органи томонидан тўланиши керак. Давлат органлари, фуқароларнинг ўзини ўзи бошқариш органлари мансабдор шахсларининг айби билан етказилган зарарларни қоплаш суднинг қарори билан шу мансабдор шахслар зиммасига юкланиши мумкин.
Рухсат этиш хусусиятига эга ҳужжатнинг амал қилишини тўхтатиб туриш тўғрисидаги ваколатли орган қарори устидан шикоят қилиш тўғрисидаги даъво аризаси билан мурожаат қилишда тадбиркорлик субъектлари ушбу аризага ушбу қарорнинг амал қилиши тўхтатиб туриш тўғрисидаги илтимоснома
ҳам киритишлари керак. Хўжалик процессуал кодексининг 24-моддасига мувофиқ хўжалик судлари давлат органлари ва фуқаролар ўзини ўзи бошқа- риш органларининг қонун ҳужжатларига мувофиқ бўлмаган, ташкилотлар ва фуқароларнинг ҳуқуқлари ва қонун билан қўриқланадиган манфаатларини бузадиган ҳужжатларини (бутунлай ёки қисман) ҳақиқий эмас деб топиш тўғрисидаги низоларни ҳал қилади.
Do'stlaringiz bilan baham: |