Ўзбекистон Республикаси Адлия вазирлиги Япония Халқаро Ҳамкорлик Агентлиги

Ўзбекистон Республикаси Вазирлар Маҳкамаси тадбиркорлик субъектининг рухсат этиш хусусиятига эга ҳужжатни бериш тўғрисидаги аризасини ваколатли орган томонидан кўриб чиқиш, уни бериш ёки беришни рад этиш муддатларини ўттиз иш кунидан ортиқ қилиб белгилаши

Қонуннинг 18-моддасига мувофиқ Ўзбекистон Республикаси Вазирлар Маҳкамаси айрим ҳаракатлар ва (ёки) муайян фаолият учун уларнинг ўзига хос хусусиятла- рини ҳисобга олган ҳолда тадбиркорлик субъектининг рухсат этиш хусусиятига эга ҳужжатни бериш тўғрисидаги аризасини ваколатли орган томонидан кўриб чиқиш, уни бериш ёки беришни рад этиш муддатларини ўттиз иш кунидан ортиқ қилиб белгилаши мумкин. Ушбу норманинг ўрнатилиш сабаби шуки, айрим рухсат этиш хусусиятига эга ҳужжатлар бўйича хусусиятидан келиб чиқиб, уларни умумий белгиланган муддатда бериш имконсиз, чунки ваколатли органлар уларни тадбиркорлик субъектига беришдан олдин ўрганишлар, тадқиқотлар, текширишларни ёки бошқа илмий ва техник баҳолашларни ўтказишилари керак. Қуйида ушбу масала ҳакида тўлиқ тасаввур ҳосил қилиш учун айрим рухсат этиш хусусиятига ҳужжатларни беришни қарор қилиш учун узоқроқ муддат белгилаш талаб қилинадиганларни жадвал шаклида келтирамиз.

т/р	Рухсат бериш тартиб-таомили- нинг номи	Ваколатли орган	Асос
1.	Ер қаъри участка- сидан фойдаланиш ҳуқуқини беради- ган лицензия		Ушбу рухсатнома “Ер ости бойликлари тўғрисида”ги Қонуннинг 26-моддасида назарда тутилган ва ер ости бойликлари — моддий ресурс- ларни тасаррувф этишга доир.
		Ўзбекистон Рес- публикаси Давлат геология ва минерал ресурслар қўмитаси Табиатни муҳофаза қилиш давлат қўмитаси	Ўзбекистон Республикаси Президентининг 2007 йил 7 июндаги ПҚ–649-сон қарори билан тасдиқланган Ер қаъри участкаларидан фойдаланиш ҳуқуқини бериш тартиби ва шартлари тўғрисидаги низомда ер қаъри участкасидан фой- даланиш ҳуқуқини берадиган лицензияни бериш тартиби назарда тутилган.