Ўзбекистон Республикаси Адлия вазирлиги Япония Халқаро Ҳамкорлик Агентлиги

БОБ. ВАЗИРЛАР МАҲКАМАСИ ВА ВАКОЛАТЛИ ОРГАНЛАРНИНГ РУХСАТ БЕРИШ ТАРТИБ-ТАОМИЛЛАРИГА ДОИР ВАКОЛАТЛАРИ

Қонуннинг 12 ва 13-моддаларида Ўзбекисон Республикаси Вазирлар Маҳка- маси ва ваколатли органларнинг рухсат бериш тартиб-таомиллари соҳасидаги ваколатлари тартибга солинган.

Қонуннинг 3-моддасига мувофиқ ваколатли органларга қонун ҳужжатлари билан зиммасига тадбиркорлик субъектларига рухсат этиш хусусиятига эга ҳужжатларни бериш вазифаси юклатилган давлат органлари ва бошқа таш- килотлар киради.

1. Ўзбекистон Республикаси Вазирлар Маҳкамасининг рухсат бериш тартиб-таомилларига доир ваколатлари

Ўзбекистон Республикаси Вазирлар Маҳкамасининг рухсат бериш тартиб-та- омилларига доир ваколатларига қуйидагилар киради:

ваколатли органларнинг рухсат бериш тартиб-таомилларига доир фаоли- ятини мувофиқлаштириб боради;
рухсат бериш тартиб-таомилларидан ўтиш тартиби тўғрисидаги низомларни тасдиқлайди;
ваколатли органлар томонидан берилган рухсат этиш хусусиятига эга ҳужжатларнинг реестрларини юритиш тартибини белгилайди;
рухсат бериш тартиб-таомиллари тўғрисидаги қонун ҳужжатларининг ижро этилиши устидан назоратни амалга оширади.
Ўзбекистон Республикаси Вазирлар Маҳкамаси қонун ҳужжатларига муво- фиқ бошқа ваколатларни ҳам амалга ошириши мумкин.
Қонуннинг ушбу нормаларини амалга ошириш мақсадида Вазирлар Маҳка- масининг 2013 йил 15 августдаги қарори билан Тадбиркорлик фаолияти соҳа- сидаги рухсат этиш хусусиятига эга ҳужжатлар рўйхати ва ваколатли органлар томонидан берилган рухсат этиш хусусиятига эга ҳужжатлар реестрларини юритиш тартиби тўғрисидаги низом тасдиқланди.
Юқорида таъкидлаб ўтилганидек, ушбу Рўйхатда 220 та рухсат этиш хусусиятига эга ҳужжат(тартиб-таомил)лар назарда тутилган. Мазкур рухсат этиш хусусиятига эга ҳужжатларни бериш тартиби Вазирлар Маҳкамаси томонидан Қонуннинг рухсат тартиб-таомилларини ўтиш тартиби тўғрисидаги низомлар мазмунини белгиловчи 16-моддаси талабларига мувофиқ ҳолда тасдиқланади.
Мазкур Қўлланманинг 7-бобида юқорида кўрсатилган низомларнинг мазмуни тўғрисида батафсил маълумот берилган.
Мисол тариқасида, Тадбиркорлик фаолияти соҳасидаги рухсат этиш хусу- сиятига эга ҳужжатлар рўйхатининг 124-бандида назарда тутилган Вазирлар Маҳкамасининг 2013 йил 14 июндаги қарори билан тасдиқланган Сувдан
махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомни келтириш мумкин.
Вазирлар Маҳкамасининг 2013 йил 15 августдаги қарори билан Ваколатли органлар томонидан берилган рухсат этиш хусусиятига эга ҳужжатлар реестр- ларини юритиш тартиби тўғрисидаги низом ваколатли органлар томонидан тадбиркорлик субъектларига — юридик ва жисмоний шахсларга бериладиган рухсат этиш хусусиятига эга ҳужжатлар реестрларини юритиш тартибини белгилайди. Мазкур Низомга мувофиқ Тадбиркорлик фаолияти соҳасидаги рухсат этиш хусусиятига эга ҳужжатлар реестри ўзида берилган, қайта расмий- лаштирилган, бекор қилинган ҳужжатлар, шунингдек амал қилиши тўхтатиб турилган, тикланган ёки тугатилган рухсат этиш хусусиятига эга ҳужжатлар тўғрисидаги ва бошқа маълумотлар мавжуд бўлган барчанинг танишиши учун очиқ бўлган давлат реестри ифодалайди.
Ҳар бир реестрда қуйидагилар кўрсатилиши керак:
тадбиркорлик субъектлари тўғрисидаги асосий маълумотлар (тадбиркорлик субъектлари — юридик шахсларнинг номи, уларнинг ташкилий-ҳуқуқий шакли, почта манзили, телефони, тадбиркорлик субъектлари — жисмоний шахсларнинг фамилияси, исми, отасининг исми, уларнинг паспортига оид маълумотлар, почта манзили, телефони);
рухсат этиш хусусиятига эга ҳужжатлар берилган сана ва уларнинг тартиб рақами;
рухсат этиш хусусиятига эга ҳужжатларнинг амал қилиш муддатлари (амал қилишининг чекланган муддатига бериладиган рухсат этиш хусусиятига эга ҳужжатлар учун);
рухсат этиш хусусиятига эга ҳужжатларни қайта расмийлаштиришнинг, амал қилиш муддатини узайтиришнинг асоси ва санаси (амал қилишининг чекланган муддатига бериладиган рухсат этиш хусусиятига эга ҳужжатлар учун), амал қилишини тўхтатиб туриш ва қайта тиклаш;
рухсат этиш хусусиятига эга ҳужжатларнинг амал қилишини тўхтатиш учун асос ва сана;
рухсат этиш хусусиятига эга ҳужжатларни бекор қилишнинг асоси ва санаси; рухсат этиш хусусиятига эга ҳужжатларнинг дубликатларини беришнинг
асоси ва санаси;
рухсат бериш тартиб-таомилларидан ўтиш тартиби тўғрисидаги низомда белгиланган бошқа маълумотлар.

2.