Ўзбекистон иқтисодчилари XIII форуми

3. Оилада озиқ-овқат танқислигини келтириб чиқаради.
Танқислик муаммосидан азият 
чекадиган оилалар, керакли гигеник воситаларга эга бўлмагани каби, асосий озиқ-овқат 
маҳсулотларига ҳам эга эмасликлари сабабли, инсон организми учун зарур бўлган, кунлик 
белгиланган меъёрий истеъмолни қондира олмайдилар. Камбағалнинг топгани асосан озиқ-овқатга 
сарфланади. Давлат статистика қўмитаси томонидан ўтказиладиган анкета сўрови натижаларига кўра 
(2020 йил август-сентябр) кам таъминланган оилалар харажатида озиқ-овқатга сарфлар 75-78 фоизни 
ташкил этади
2
. 
4. Камбағаллик иқтисодий ўсиш суръатларини сусайтиради.
Иқтисодий ўсиш ишлаб 
чиқариш таркибининг кенгайиши, замонавий техника ва технологияларнинг кенг жорий этилиши, 
бозорбоп товар ва хизматларнинг яратилиши, ички ва ташқи бозорнинг тўйиниши, ташқи савдо 
балансининг ижобий сальдоси ва оқибатда аҳолининг фаровонлигини таъминлашга қаратилган 
бўлади. Бироқ камбағаллик юқорида таъкидланган иқтисодий ўсиш омиллари ривожига тўсқинлик 
қилади. Бунга камбағаллик сабаблари (ишсизлик, касбга эга бўлмаслик, қобилиятнинг етарли 
эмаслиги, иқтисодиёт таркибининг нўноқлиги, минимал иш ҳақи миқдори, иқтисодий очиқлик 
даражаси ва ҳ.к.) ўсиш омилларининг амал қилишига тўсқинлик қилади
3
. 
II ИЖТИМОИЙ ОҚИБАТЛАРИ 
1. Кишиларда эртанги кунга бўлган ишончни сўндиради.
Кишиларнинг ҳаёт 
кечиришидаги муаммолар, йўқчилик, қарамлик, эртанги кунга умидсизлик, ноиложлик, фаолликка 
интилишни сўндиради ва оилаларнинг тушкунликда ҳаёт кечиришига олиб келади.
 
2. Саломатликнинг ёмонлашуви жиддий муаммога айланади.
Камбағаллик одамларнинг 
соғлиғи ва психологик ҳолатига салбий таъсир кўрсатади. Озиқ-овқат, дори-дармонларнинг 
етишмаслиги ва тиббий хизматлардан фойдаланиш имкониятининг йўқлиги инсон соғлиғининг ўта 
оғирлашиши, баъзида ўлимига сабаб бўлади.