Ўзбекистон иқтисодчилари XIII форуми

картографик методни
жорий этишни талаб этади; 
- иккинчидан, уруғ ва кўчатларни тўғри танлаш, агротехник ишловларни вақтида ташкил 
этиш. Мамлакатимизга олиб кирилаётган кўчатларни интродукцион-карантин кўчатхоналарида икки 
йилгача парваришлаб тўлиқ назорат қилингандан кейин ўрнатилган тартибда, ишлаб чиқаришга 
жорий этиш белгилаб қўйилганган бўлсада, бироқ хориждан олиб келинаётган кўчатларнинг 
аксарияти интродукцион-карантин кўчатхоналарида назорат қилинмасдан тўғридан-тўғри фермерлар 
даласига экилиш ҳолатлари учрамоқда. Бу эса турли касаллик ва зараркунандалар кўпайиши, 
маҳаллий навлар ва маҳаллий генофондларга зарар етказиши хавфини орттирмоқда. Бу муаммони ҳал 
этиш учун ўсимликлар карантини талабларига сўзсиз амал қилиш юзасидан назоратни кучайтириш; 
- учинчидан, етиштирилган маҳсулот истеъмол муддатини узайтириш - етиштириладиган 
мева-сабзавот маҳсулотларини сақлаш, қуритиш, қайта ишлаш орқали юқори қўшимча қиймат 
яратиш имконини беради. Шунинг учун маҳсулот сақланадиган совутиш омборхоналари ва қайта 
ишлаш корхоналарини нафақат вилоят марказлари, балки ишлаб чиқариш ҳудудларига яқин жойда 
ташкил этишга алоҳида эътибор берилиши керак; 
- 
тўртинчидан, 
ишлаб 
чиқариш 
самарадорлиги 
етиштирилган 
маҳсулотлар 
рақобатбардошлигини оширишни, қўшилган қиймат занжири яратишни рағбатлантиришни, 
ноанъанавий, импорт ўрнини босувчи ва ташқи бозорга экспортбоп маҳсулотлар чиқаришни талаб 
этади. Шунинг учун асосий эътибор совуққа, иссиққа, қурғоқчиликка, шўрга чидамли, ҳосилдор, 
экспортбоп, эрта ва кечпишар, қишга сақланадиган экин турларига қаратилмоғи ва бу соҳадаги 
ишлар жадаллаштириши керак. 
Хулоса қилиб айтганда, мамлакатимизда амалга оширилаётган ислоҳотларнинг ҳозирги 
босқичида ушбу чора-тадбирларни амалга ошириш мева-сабзавотчиликнинг узоқ муддат барқарор 
ривожланишини таъминлаб, тармоқ самарадорлигини ошириш орқали, Республикада озиқ-овқат 
маҳсулотларига бўлган талабни узлуксиз қондириш, унинг хавфсизлигини таъминлаш, экспорт 
географиясини кенгайтириш ҳамда аҳолининг турмуш шароитини янада ошириш имконини беради.