Yosh huquqshunoslar

2.Tarbiyaviy maqsad:O`quvchilarni qonunlarga hurmat qilish ruhida tarbiyalashda ahloqiy fazilatlarni shakllantirish.
3.Rivojlantiruvchi maqsad: O`quvchilarni mustaqil fikrlashga o`rgatish


REJA:
1. Bola huquqlarini himoya qilishning xalqaro huquqiy asoslari.
Bola huquqlari Jeneva Deklaratsiyasi (1924 yil), BMT Ustavi (1945 yil 24 oktabr), Inson huquqlari umumjahon Deklaratsiyasi (1948 yil 10 dekabr), 1959 yil 20 -noyabrda BMTning Bosh Assambleyasi tomonidan qabul qilingan “Bola huquqlari Deklaratsiyasi” hamda 1989 yil 20 noyabrda qabul qilingan “Bola huquqlari to’g’risida”gi Konvensiyada ko’zda tutilgan tamoiyillar.
2. Bola huquqlariga oid milliy qonun hujjatlari.
O’zbekiston Respublikasi Konstitutsiyasi (ko’chirmalar), 2008 yil 7- yanvardan kuchga kirgan № 139- sonli “Bola huquqlarining kafolatlari to’g’risida” gi O’zbekiston Respublikasi Qonuni.
3. Odam savdosi asr muammosi. 2008 yil 17- apreldan kuchga kirgan, № 154-sonli “Odam savdosiga qarshi kurashish to’g’risida” gi O’zbekiston Respublikasi Qonuni.
O’zbekiston Respublikasi Prezidentining 2008 yil 8-iyuldagi № 911-sonli “Odam savdosiga qarshi kurashish samaradorligigni oshirish chora-tadbirlari to’g’risida” gi Qarori.


Mavzuga oid tayanch ibora va tushunchalar
Konvensiya, deklaratsiya, Pakt, Protokol, “Pekin Qoidalari”, “Ar-Riyod dasturiy prinsiplari”, “Tokio qoidalari”, Bola va uning huquqlari haqida tushuncha, bolaning qonuniy vakillari, vasiylik va homiylik tushunchasi, bola huquqlari kafolatlarining xalqaro me’yorlari, bolalar pornografiyasi, yetim bola, bola huquqlarini himoya qilish bo’yicha davlat siyosati.
Odam savdosi, odam savdosi bilan shug’ullanuvchi shaxs, odam savdosiga qarshi kurashish bo’yicha davlat organlari va ularning vazifalari.
Odam savdosiga oid jinoyatlar uchun belgilangan jazo choralari.


Bola huquqlarini himoya qilishning xalqaro huquqiy asoslari.
O’zbekiston mustaqillikkka erishgach inson huquqlarini himoya qilish borasidagi xalqaro huquq normalaridan 70 tasiga qo’shildi, ya’ni O’sbekiston Respublikasi Oliy Majlisi tomonidan yuqoridagi xalqaro huquq me’yorlari ratifikatsiya qilindi. Ratifikatsiya- lotincha “ratus” - “tasdiqlangan” va “facere” – “qilmoq” so’zlaridan olingan bo’lib, xalqaro shartnoma yokibitimlarni oliy davlat hokimiyati organlari tomonidan tasdiqlanishi.
Bola huquqlarini himoya qilish yuzasidan ilk xalqaro me’yoriy huquqiy hujjat 1924 yil Jenevada qabul qilingan “Bola huquqlari Jeneva deklaratsiyasi” hisoblanadi.
1945 yil 24 oktabrda qabul qilingan Birlashgan millatlar tashkilotining Ustavi, 1948 yil 10 dekabrda qabul qilingan “Inson huquqlari umumjahon Deklaratsiyasi”, 1959 yil 20 noyabrda qabul qilingan BMT ning “Bola huquqlari delaratsiyasi”, 1989 yil 20 noyabrda qabul qilingan “Bola huquqlari Konvensiyasi” (yuqoridagi xalqaro huquq normalari 1991-1992 yillar ratifikatsiya qilingan), 1965 yil qabul qilingan “Irqiy kamsitishlarga qarshi xalqari Bill”, 1966 yil qabul qilingan “Iqtisodiy, ijtimoiy va madaniy huquqlar to’g’risidagi xalqaro Pakt”, “Fuqarolik va siyosiy huquqlar to’grisidagi xalqaro Pakt” (1995 yil ratifikatsiya qilingan),