«yangiyul poligraph service»

DUNYODA TINCHLIK DEB
YASHAR HARBIYLAR
Zikrilla Ne’mat
Tongda ham, tunda ham, yoz-u qishda ham,
Vatan xizmatiga shoshar harbiylar.
Qalbda qasamyodin saqlab mustahkam, 
Daryo-yu tog‘-u tosh oshar harbiylar.
O‘pib hur Vatanning mag‘rur bayrog‘in,
Ko‘zga surtib uning qadim tuprog‘in.
Asrab jondek aziz bog‘-u gulbog‘in,
Dunyoda tinchlik deb yashar harbiylar.
http://eduportal.uz

---

81
Muqaddas burchini oqlamoq uchun,
Osmonin musaffo saqlamoq uchun,
Zaminga baxsh etib bor g‘ayrat-kuchin,
Goh ko‘kda lochindek uchar harbiylar.
Bedordirlar go‘dak sevinchi uchun,
Vatanning qudrati, el tinchi uchun.
Kerak bo‘lsa, jondan kechar harbiylar,
Dunyoda tinchlik deb yashar harbiylar.
1. Harbiylar nima uchun qasamyod qilishadi?
2. Yurt posbonlarining muqaddas burchi nimalardan iborat 
deb o‘ylaysiz?
Yurt qo‘risang, o‘zarsan, 
Qo‘rimasang, to‘zarsan.
http://eduportal.uz

---

82
ONA-VATAN
Fayzi Shohismoil
Menga aziz onadek
Yagonamsan, Vatanim.
Men seni ko‘zlarimning
Gavhari deb atadim.
Ko‘zlarimdan joy olgan
Yer-u osmoning, Vatan.
Bo‘lay deyman hamisha
Sodiq posboning, Vatan.
Seni jondek asragum
Vatan — ko‘zim gavhari.
Toki sen omon bo‘lsang,
Omon bo‘lgay Yer shari!
1. Shoir Vatanni nima uchun «ko‘zlarimning gavhari» deb 
ataydi?
2. Vatanni «jondek asrash» deganda nimani tushunasiz?
Ona yurting omon bo‘lsa,
Rangi-ro‘ying somon bo‘lmas.
Bo‘lim yuzasidan savol va topshiriqlar:
1. Vatan himoyachilari deganda kimlarni tushunasiz?
2. Bo‘limdagi asarlardan ajdodlarimizning donoligi, topqirligi 
ifodalangan o‘rinlarni topib, daftaringizga yozing. 
3. Vatan uchun jonini fido etgan qahramonlardan kimlarni 
bilasiz?
4. Biz nima uchun ular bilan faxrlanamiz?
http://eduportal.uz

---