Yakuniy biznes. 1-Savol. Tadbirkorlik faoliyati subyekti huquqlarining ustuvorligi deganda nimani tushunasiz?

Yakuniy biznes.
1-Savol.
Tadbirkorlik faoliyati subyekti huquqlarining ustuvorligi deganda nimani tushunasiz?
Yuqoridagi savolga javob berish uchun avvalo tadbirkorlik faoliyati subyektlari tushunchasiga to‘xtalib o‘tsak, Tadbirkorlik huquqining subyektlari bu tadbirkorlik faoliyatini amalga oshirishga vakolatli bo‘lgan shaxslardir. Jismoniy va yuridik shaxslar fuqarolik-huquqiy munosabatlarda tadbirkor sifatida, shuningdek bunday maqomga ega bo‘lmasdan ham ishtirok etishlari mumkin. Shuning uchun fuqarolik huquqi subyektlari bir vaqtning o‘zida tadbirkorlik huquqi subyektlari hisoblanishi mumkin. Tadbirkorlik huquqiy munosabatlarda subyekt har doim tavakkal qilib, o‘z javobgarligini zimmasiga olib, foyda olishni maqsad qilgan holda faoliyat yuritadi. “Tadbirkorlik faoliyati erkinligining kafolatlari to‘g‘risida”gi 2012-yil 2-maydagi O‘RQ–328-son yangi tahrirdagi qonunning
4-moddasiga muvofiq tadbirkorlik faoliyati subyektlari (tadbirkorlik subyektlari) belgilangan tartibda davlat roʻyxatidan o‘tgan hamda tadbirkorlik faoliyatini amalga oshirayotgan yuridik va jismoniy shaxslardir. Biroq davlat organlari, ularning mansabdor shaxslari, shuningdek tadbirkorlik faoliyati bilan shug‘ullanishi qonun hujjatlarida man etilgan boshqa shaxslar tadbirkorlik faoliyati subyektlari bo‘lishi mumkin emas. Shaxsning foyda ko‘rish maqsadida tavakkal qilib tovar ishlab chiqarish (ish bajarish, xizmat ko‘rsatish) bilan shug‘ullanish ixtisoslashgan faoliyatga aylangan taqdirdagina bunday faoliyatning ishtirokchilarini tadbirkor deb hisoblash mumkin. Shu o‘rinda tadbirkorlik huquqi subyektlarining o‘ziga xos belgilariga nazar solib ketsak:
 davlat roʻyxatidan o‘tish;
 muayyan faoliyat turlari bilan shug‘ullanish uchun, albatta, ruxsatnoma (litsenziya)ga ega bo‘lish;
 o‘zining mol-mulkiga ega bo‘lish;
 tadbirkorlik huquq va majburiyatlariga ega bo‘lish;
 o‘zining mol-mulki doirasida mustaqil javobgarlik;
 o‘zining buzilgan huquqlari va qonuniy manfaatlarini sud orqali himoya qilish imkoniyatiga ega ekanlik.
“Tadbirkorlik faoliyati erkinligining kafolatlari to‘g‘risida”gi 2012-yil 2-maydagi O‘RQ–328-son yangi tahrirdagi qonunning 8-moddasida tadbirkorlik subyektining huquqlari keltirib o‘tilgan.