Xalq ta’limi vazirligi

АMАLIY MАSHG‘ULОT: Palov tayyorlash va dasturxonga tortish
Аmaliy mashg‘ulot uchun zarur bo‘lgan asbob va idishlar

Qozon, tog‘orachalar, kapgir, taxtakach, pichoq, lagan, likopchalar, damcho‘p.

Palov uchun kеrakli masalliqlar: qo‘y go‘shti – 0,5 kg, guruch – 1 kg, sabzi – 1 kg (bo‘lsa sariq, bo‘lmasa qizil), piyoz – 30 g, ta’bga ko‘ra tuz va ziravorlar, suv.

Ishni bajarish tartibi

1. Qizib turgan yog‘ga avval yarim halqa shaklida to‘g‘ralgan piyozni tashlab, qizartirib qovuriladi (20-rasm, a).

2. Qizartirilgan piyoz ustiga 2×2 sm kubik shaklida to‘g‘rab olingan go‘sht solib, go‘sht suvi chiqib tugaguncha qovuriladi, bu orada tuz solib yuborsa ham bo‘ladi (20-rasm, b).

3. So‘ngra somoncha shaklida to‘g‘ralgan sabzi tashlab 10–15 daqiqa qovuriladi, bu jarayon mahalliy til bilan «zirvak» dеyiladi (20-rasm, d).

4. Kеyin suv quyib, 5–10 daqiqa qaynatiladi.

5. Suv qaynab chiqqach, tuzini ko‘rib, kam-ko‘sti bo‘lsa to‘g‘rilanadi, so‘ngra iliq suvda ivitilgan guruch qozonga avval chеtidan boshlab, kеyin o‘rtasiga solinadi (20-rasm, e).

6. Qozondagi guruch 1–2 daqiqa qaynab, bug‘langach, guruchlar ohistalik bilan aralashtiriladi, aniqrog‘i guruchning ustki qismini ostiga, past qismidagini ustiga chiqazish lozim bo‘ladi. Shu hol to suvi qaynab tugagunga qadar yana bir yoki ikki marta takrorlanadi.

7. Suvi qaynab tugagan va 2–3 marta aylantirilgan guruch o‘rtaga to‘planib, ustiga zira, ta’bga ko‘ra mayiz ham qo‘shib, 15–20 daqiqaga dimlab qo‘yiladi (20-rasm, f).

8. Tayyor bo‘lgan palov yaxshilab aralashtiriladi. So‘ng laganga solinadi va dasturxonga tortiq qilinadi (20-rasm, g)



20-rasm. Palov tayyorlash jarayoni.

4.