Вставка увертюра талаба

ИЛМ - Кўз нурини китобга тўкиб,
Нахри-илмга ким кетса чўкиб,
Билинг, умрин сўнгги саодат.
ХАЛОЛ НОННИНГ ЛУҚМАСИ РОҲАТ!
ҲАММА - ДУНЁНИ ҚУТҚАРГАЙ МУҲАББАТ!!!
ИЛМ - Беллашадир тенг-тенги билан,
Фараҳ сўрсанг Оллоҳдан тилан.
Эй замондош! Илмга белан,
Сўз мағзига қилгил итоат:
ХАЛОЛ НОННИНГ ЛУҚМАСИ РОҲАТ!
ҲАММА - ДУНЁНИ ҚУТҚАРГАЙ МУҲАББАТ!!!
ИЛМ – Ҳалол билан харомни фарқлаш учун ҳам, ризқни ҳалоллаб ейиш учун ҳам илм керак... Маккор одамлар мени назар-писанд қилмайдилар. Соддадил одамлар мендан ҳайратга тушадилар, донолар эса биздан фойдалана биладилар. Сен учинчилар сафида бўл.
Донишмандлик ёки Дарвеш – Илм ҳақ гапни айтди. Сен уни ўзлаштирибгина қолмасдан ундан фойдаланишни ҳам ўргангин. Билмаганингни сўрашга уялма. Илм ҳаракатдир.
ИЛМ – Сўраган олар, излаган топар, тақиллатганга эшик очилар. Сен тақдири азални эмас, аввало ўзингни енгишга ҳаракат қил. Дунёни тартибга солишга уринма, ўз истакларинги бошқара бил.
ҲАСАД – (киноя қилади) Нафсингни дегииин тушунарлироқ бўлади.
ИЛМ – (Ҳасадга қараб битта ўқраяди, у жим бўлади) Шон-шуҳратга интилишда ҳам, ундан қочишда ҳам меъёрни сақлай бил. УҚДИНГМИИ?
Қиз – Уқдим...
Донишмандлик – Ундай бўлса ОМИН,.. (дарвешга қарайди)
Дарвеш – Йўлларинг оқ, келажагинг порлоқ бўлсин.
Ҳамма – Аллоху-Акбар!!!
Номус ва талаба Донишмандлик ва Дарвешни этагини ўпадилар.
Қиз – Денгизга чўкмайман, учмайман кўкка, Она Ер бағрида эмасман якка.
Бўронлар қутуриб тўфон турса ҳам, Бошим эгилмайди қоламан тикка!!! Залга, томошабинлар орасига кириб, халқ ичига сингиб кетадилар.
Йўл бўлсин-еей, йўл бўлсин-е-е-е-й... Босган изларингиз гул бўлсине-е-ей,
Зиё излаганинг чин бўлсин-е-е-е-е-ей....
Финал мусиқаси янграйди. Саҳнада қолган персонажлар бир саф бўлиб териладилар.
Сўнгги сўз кейинроқ ёзилади...


Ушбу асарда Мирзо, Аҳмад Хасан, Раъно Ярашева, Нуриддин Аминжон ва Марҳабо Каримова шеърларидан ҳам фойдаланилди.
Муаллиф – МУҚАДДАС МАМАДАЛИЕВА. 97- 755-94-68. 71-229-37-36.