Vatan sajdagoh kabi muqaddasdir

Mavzu №39. Kasbi borning - faxri bor


Reja:
1.Ota-onaning kasb tanlashda bolaga e`tibori
2.Kasblar haqida
3.Kasbim- faxrim


Tayanch so`z va atamalar: kasb, ota-ona, hunar, faxr, Kaykovus, xori mug’ilon, aql va donishlik.

Farzand tarbiyasi doimo eng muhim masala bo’lib kelgan. Dunyoda birorta ham ota-ona yo’q-ki, zurriyodining jamiyatda o’z o’rniga, biror mavqega ega bo’lishini istamagan va shu farzand orqali g’ururlanib yurishni orzu qilmagan.

Buyuk alloma Kaykovusning “Qobusnoma” asarining oltinchi bobida “Ey farzand, ogoh bo’lki, hunarsiz kishi hamisha foydasiz bo’lur va hech kishiga naf yetkurmas. Bilursanki, xori mug’ilon (tikanli buta) ning tani bordir, ammo soyasi yo’qdur. Hunarsiz kishi ham xoru mug’ilon yanglig’ na o’ziga va na o’zgaga foyda berur”. Agar kishi har qancha oliy nasab va asl bo’lsa, ammo hunari bo’lmasa, xaloyiqning izzat va hurmatidin noumid bo’lur. Agar kishida ham nasab gavhari va ham hunar zevari (ziynati) bo’lmasa, undan battarroqdur. Jahd qilg’il, agar gavharning har necha kim asl bo’lsa, unga g’arra bo’lmag’il, nedikim tan gavhari hunar zevari bila muzayyan bo’lmasa (ziynatlanmasa), u hech narsaga arzimagusidir. Andoqkim debdular: “Ulug’lik aql va donishlik biladur, gavhar va nasab bila bo’lmas”.
Jamiyatda mehnat ta’limi va kasbga yo’naltirish jarayonlarining o’rni katta. Chunki, bu jarayonlarda o’quvchilarni bevosita tegishli mehnat ko’nikmalarini egallash va ularni mustaqil qo’llash bosqichini o’taydilar. Shuningdek, ular bu asnoda qaysi bir
mehnat yo’nalishi o’ziga muvofiqroq ekanligi bilib oladilar. Shuning uchun ham mehnat ta’limi imkon qadar xilma-xil bo’lishi hamda yuqorida ta’kidlagandek o’quvchilarning aqliy va jismoniy imkoniyatlari, shuningdek jinsiy xususiyatlariga muvofiq kelishi zarur.
Oilada yosh avlodni tarbiyalashda, uning qobiliyat, iqtidor va iste’dodini rivojlantirishda ayol kishining o’rni benihoyat katta. Umumta’lim maktablari hamda kasb-hunar kollejlarida ta’lim olayotgan o’quvchi qizlarni hayotga tarbiyalash, ularni kasb-hunar tanlashlariga imkoniyatlarni yaratish, ularga kasb-hunar haqida tushunchalarni yetkazish va o’z sevgan kasbini tanlashda hamda kelajakda tanlagan kasbi baxt keltirishini anglashda ko’maklashish maqsadini ko’zlaydi.
Yurtboshimiz aytganlaridek “Agar kasb to‘g‘ri tanlansa, inson uchun ijodiy ilhom manbaiga aylanadi. Bu esa — inson uchun ham, jamiyat uchun ham foydalidir”. Farzandlarimizning kelajakda yetuk inson, yaxshi kasb egasi bo‘lishlarida nafaqat maktab yoki ota-ona balki keng jamoatchilikning ham o‘rni kattadir.