Тупроқни ким таҳлил. Ас ўзг

Suvli so‘rimni tayyorlash 
Odatda, suvli so‘rim 1:5 nisbatda tayyorlanadi, chunki shu nisbat 
tuproq tarkibidagi oson eriydigan tuzlarni to‘la eritib, so‘rimga o‘tishga 
imkon yaratadi. Kimyoviy analizlar uchun tayyorlangan 1 mm tuproq 
namunasidan 50 g yoki 100 g texnik tarozida tortib olinadi. Olingan tuproq 
namunasi 500 ml yoki 1000ml konussimon kolbaga solinadi. Ustiga 
qaynatib, sovutilgan distillangan suvdan, olingan tuproq namunasiga 5 
marotaba ko‘p marta quyiladi, ya’ni 50 grammga 250 ml, 100 grammga 
500 quyiladi. Kolbaning usti rezina probka bilan mahkam berkitilib, 3 
minut davomida chayqatiladi. So‘ngra ikki xil filtrlar orqali filtrlanadi. 
Bunda filtrning birinchisi oddiy filtr, ikkinchisi, ya’ni ustidagi burmali filtr 
bo‘lishi lozim. Shuni aytib o‘tish lozimki, suvli so‘rimni filtrlash oddiy 
ishdek ko‘rinsa-da, lekin ehtiyotkorlikni talab qiladi. Chunki oddiy 
ehtiyotsizlik ham filtrlanayotgan so‘rimning xira o‘tishiga sabab bo‘lishi 
mumkin. Birinchidan, so‘rimni filtrlash kislota va ishqorlarning 
bug‘laridan xoli bo‘lgan xonada olib borilishi kerak. Ikkinchidan, shisha 
voronkalar diametri so‘rim miqdoriga mos bo‘lishi lozim. Ushbu ishimizda 
diametri 15-20 sm bo‘lgan voronkalardan foydalanamiz. Uchinchidan, 
doimo filtrlash jarayonida filtrlar voronka chetidan 1,5-2 sm pastda bo‘lsa, 
maqsadga muvofiq bo‘ladi. Filtrlarning voronka chetidan ortiqcha chiqib 
turishi esa, eritmaning filtr chetlariga so‘rilib ketishi va oqibatda 
natijalarning noto‘g‘ri chiqishiga olib keladi. Voronkalarga so‘rimni 
quyishdan avval biroz chayqatish va iloji boricha so‘rimning hammasini 
voronkaga o‘tkazib olishga harakat qilish kerak.Tuproq zarrachalari filtr 
g‘ovaklarini to‘ldirishi natijasida, loyqali so‘rimning kolloid zarrachalari 
ushlanib qoladi va so‘rim tiniq o‘ta boshlaydi. So‘rim filtr chetidan 
ohistalik bilan quyilmasa, filtrning tagi teshilib qolishi mumkin. Odatda, 
filtratning birinchi porsiyalari biroz xira o‘tishi mumkin, lekin so‘rimni 
xuddi shu filtrlar orqali qayta filtrlash mumkin. Shu asnoda tiniq so‘rim 
hosil bo‘lguncha filtrlash olib boriladi. 
Agar tuproq ishqoriy bo‘lmasa va unda suvda eruvchan tuzlar miqdori 
ko‘p bo‘lsa,