Тренинг по навигации поиска на платформе ebscohost. Особенности и основные функции

DASTURLARNI MASHINA XOTIRASIGA KIRITISH
O‘zingiz tuzgan dasturlarni kir yuvish mashinasi xotirasiga kiritish vazifasi juda qulay. Bu vazifa vaqtingizni tejaydi va har safar kir yuvish tartibini qaytadan tuzish zaruratidan halos qiladi, sizga kerak bo‘lgan avtomatik kir yuvish dasturlari ro‘yxatini kengaytirish imkoniyatini beradi.
BOSHQARUV
Siz kir yuvish mashinasi bilan qanday ishlashingiz ham katta ahamiyatni kasb etadi. Elektron-mexanik (gibrid) boshqaruvli kir yuvish mashinalari dasturiy ta’minlot bilan ta’minlangan bo‘lsada, boshqaruv an’anaviy burama rostlagichlar yordamida amalga oshiriladi. Elektron boshqaruvli mashinalar bilan aloqa tugmalar, displeylar vh.k.lar yordamida amalga oshiriladi. O‘zingiz uchun qulayrog‘ini tanlang. Keksa avlod namoyandalari ko‘pincha o‘zi o‘rgangan burama rostlagichli mashinalarni tanlasa, yoshlarga mashinani displey yordamida boshqarish ko‘proq yoqadi.
QURITISH
Quritgish vazifasini ham bajaruvchi kir yuvish mashinalari – isitish elementidan tashqari ventilator bilan xam jihozlanganalohida qurilmalar toifasidir. Quritgichli mashina uyingizda kir quritishga joy bo‘lmagan taqdirda kerakdir. Bunday mashinalar yosh bolali oilalar uchun juda qulay. Bu turdagi kir evish mashinalarining eng oddiy modellari kirni taymer bo‘yicha kuritadi, kir yuvish jarayonidan so‘ng uni quritishga muayyan vaqt ajratiladi. Undan murakkabroq bo‘lgan modellar kirni «namligiga qarab» quritishi mumkin, bunda buning uchun qancha vaqt zarurligini mashinaning o‘zi belgilaydi.
BUG‘ BILAN ISHLOV BERISH VAZIFASI
Kir yuvishning bug‘li texnologiyasi kir yuvish mashinasining funksional imkoniyatlarini kengaytiradi. Bug‘ bilan ishlov berish zararli bakteriyalarni yo‘q qiladi, kir yuvish sifatini oshiradi, bunda bug‘ kiyim-kechakka zararli ta’sir ko‘rsatmaydi va kiyimni oddiy kir yuvishdagidek g‘ijimlamaydi. Bug‘ bilan ishlov berish vazifali mashinada xatto ipak to‘r yoki shoyi kiyimlarni ham yuvish mumkin. Shuningdek, ushbu tizim kiyim-kechaklarni tezda yangilash: g‘ijimlarni bartaraf etish va yoqimsiz hidlarni yo‘qotish imkoniyatini ta’minlaydi.
XAVFSIZLIK
Va, nihoyat, xavfsizlik jihatini ham aniqlash zarur. Avvalombor, suv oqib chiqishidan himoya tizimi mavjudligiga e’tibor bering. Bu tizim to‘liq va qisman bo‘ladi. Suv oqib chiqishidan to‘liq himoya tizimi kir yuvish mashinasining korpusiga ham shlangiga ham tarqaladi, qisman himoya tizimi esa ulardan faqat bittasiga ishlaydi. Suv oqib chiqishidan himoyali shlanglarni alohida xarid qilish va istalgan kir yuvish mashinasi bilan ishlatish mumkin.