Transport vositalari egalarining fuqarolik javobgarligini majburiy

VI. Jabrlanuvchilarning hayoti va sog‘lig‘iga zarar yetkazilganda sug‘urta tovoni miqdorini

aniqlash

48.  Jabrlanuvchining  hayoti  yoki  sog‘lig‘iga  zarar  yetkazilganda  sug‘urta  tovonining

miqdori sug‘urta pulining 65 foizidan ortiq bo‘lishi mumkin emas.

49.  Bir  nechta  jabrlanuvchining  hayoti  yoki  sog‘lig‘iga  zarar  yetkazilganda  har  bir

jabrlanuvchiga (uning merosxo‘riga) tegadigan sug‘urta tovoni miqdori har bir jabrlanuvchining

hayoti yoki sog‘lig‘iga yetkazilgan zararning darajasiga mutanosib ravishda, ushbu Qoidalarning

48-bandida

 belgilangan summa doirasida aniqlanadi.

50.  Jabrlanuvchining  hayotiga  yoki  sog‘lig‘iga  yetkazilgan  zararning  o‘rnini  qoplash  va

majburiy  sug‘urta  shartnomasi  bo‘yicha  to‘lov  miqdori  yetkazilgan  zarar  mavjudligini  va

miqdorini  tasdiqlovchi  hujjatlar  (yo‘l-transport  hodisasi  to‘g‘risidagi  xulosa  yoki  qaror,  tibbiyot

muassasasidan  ma’lumotnoma  yoki  hayot  va  sog‘liqqa  yetkazilgan  zararni  tasdiqlovchi  boshqa

hujjatlar,  dalolatnoma  yoki  o‘lim  to‘g‘risidagi  guvohnoma)  asosida  hamda  jabrlanuvchining

hayoti  va  sog‘lig‘iga  yetkazilgan  zararning  o‘rnini  qoplash  bo‘yicha  va  majburiy  sug‘urta

shartnomasi  bo‘yicha  to‘lovlar  jadvaliga  (keyingi  o‘rinlarda  to‘lovlar  jadvali  deb  ataladi)  muvofiq

ushbu Qoidalarga 7-ilovaga

*

 binoan aniqlanadi.

Agar  hayot  va  sog‘liqqa  yetkazilgan  zararni  tasdiqlovchi  hujjatlarda  ko‘rsatilgan

shikastlanish  xarakteri  to‘lov  jadvalida  keltirilmagan  bo‘lsa,  sug‘urtalovchi  to‘lovlar  jadvalida

keltirilgan shikastlanishning u yoki bu xarakterga muvofiqligini aniqlash uchun ushbu hujjatlarni

bergan  muassasaga  yozma  ravishda  murojaat  qiladi.  Shikastlanish  xarakterining  to‘lovlar

jadvalida  keltirilgan  shikastlanishning  u  yoki  bu  xarakteriga  muvofiqligini  aniqlashda

shikastlanishning eng muvofiq xarakteri tanlanadi.

* 7-ilova 

rus tilidagi

 matnda berilgan.

51.  Hayotga,  sog‘liqqa  va  (yoki)  mol-mulkka  zarar  yetkazilganligini  tasdiqlovchi  hujjat

bo‘yicha  shubha  paydo  bo‘lganda  sug‘urtalovchi  hujjatda  ko‘rsatilgan  axborotning  tasdig‘ini

olish uchun ushbu hujjatni bergan muassasaga murojaat qilish huquqiga ega.