Toshkent kimyo-texnologiya instituti yangiyer filiali noorganik moddalar kimyoviy texnologiyasi fakulteti umumiy fanlar kafedrasi

Halqaga tashlash
O’g’il va qiz bolalar soni bir xil bo’lgan ikkita komanda tuziladi. Komandalar maydonchaning old chizig’i orqasida bir kishilik qatorda turadilar (o’g’il va qiz bolalar bittadan bo’lib turadilar). Old chiziqdan 6 m nariga to’p uzatish chizig’i o’tkaziladi. O’yinni boshlaydigan komandaning birinchi turgan o’yinchisi to’pni qarama-qarshi tomondagi halqaga olib boradi va uni tashlaydi (agar to’p halqaga tushmasa, uni tushirguncha tashlaydi) va ilib olib orqaga olib boradi. Bu erda to’pni uzatish chizig’ida ikkinchi bo’lib turgan o’yinchiga to’g’ri yo’naltiradi, o’zi qator oxiriga borib turadi. O’yim davom etadi. So’ngra o’yinni keyingi komanda boshlaydi. Estafetada eng qisqa vaqtda vazifani bajargan komanda g’olib hisoblanadi.
Basketbol to’pi bilan estafeta
O’quvchilar 2—3 komandaga bo’linib, zal yoki maydonning bir tomonida, bir kishilik qatorlarga saflanadilar. Har bir komandada bittadan basketboll to’pi bo’ladi. Komandalar ro’parasiga bir-biridan 1—2 m oraliqda bo’lgan ustunchalar yoki to’ldirma to’plar qo’yiladi.Signal berilishi bilan qatorlardagi birinchi o’yinchilar to’pni oldinga urib olib yurib, ustuncha yoki to’ldirma to’pning atrofidan ilon izi shaklida o’tadilar va orqaga to’g’ri chiziq bo’ylab yuguradilar. To’pni ikkinchilarga berib, o’zlari qator oxiriga borib turadilar. Ikkinchilar ham shu mashqni takrorlaydilar vahakazo.Estafetani birinchi bo’lib tugatgan komanda g’olib chiqadi.
«To’pni olib yurish va savatga tushirish» Estafetasi
O’yinchilar bir necha komandalarga bo’linib, qatorlarda saf tortadilar. Maydoncha yoki zalda nechta shit bo’lsa, shuncha komanda tashkiletish mumkin. Har bir komandaga bittadan baksetboll to’pi beriladi.
Signal berilish bilan qatorlarda birinchi bo’lib turgan o’yinchilar to’pni polga urib-urib, xuddi basketbol o’yinidek, olib yurib shit yaqinigacha yetib borib, to’pni savatga tushirishni mo’ljallab shu tomonga otadilar. To’p savatga tushsa ham, tushmasa ham qaytgandan so’ng uni ilib olib, yana avvalgi holatda orqaga qaytadilar hamda to’pni qatorlardagi ikkinchi o’yinchilarga berib, o’zlari qatorning oxiriga borib turadilar. To’pni ikkinchilar olib ketadi va hokazo.
Estafetani birinchi bo’lib tugatgan hamda eng ko’p ochko to’plagan komanda g’alaba qozonadi. Savatga tushirilgan har bir to’p uchun bittadan ochko beriladi.
O’quvchilari basketboll o’yinini yaxshi o’rganib olgan maktablarda ushbu estafetani to’pni savatga albatta tushirishsharti bilan o’tkazish mumkin. Bunda o’yinchi to’pni savatga tushirmaguncha orqaga qaytmaydi.