|
Tayanch iboralar: fitopotogen, rizosfera zonasi, epifit, qatron (smola), zang, chirish , kuydirish, aseptika,antiseptika, sterilizatsiya, dezinfeksiya. Antigenlar, antitela, mononuklyar fogotsitlar, immunitet, vaksina, zardob.
O‘simliklarda uchraydigan mikroorganizmlarning asosiy turlari va ular to‘g‘risida ma’lumot
Dorilarni tayyorlashda har xil o‘simliklardan foydalaniladi yoki ko‘pgina o‘simliklardan qaynatma, damlamalar tayyorlanadi. Dorivor modda va tayyor dori-darmonlar tarkibida turli xil mikroorganizmlar bo‘lishi mumkin. O‘simliklardan olinadigan dorivor moddalarning mikroblar bilan zararlanishi o‘sha o‘simlik turi va uning o‘sib chiqishi uchun zarur bo‘lgan shart – sharoitiga bog‘liq bo‘ladi. CHunki o‘simliklar atrof muhitdagi ayniqsa, tuproq tarkibidagi mikroorganizmlar bilan zararlangan bo‘lishi ham mumkin.
Lekin shuni hisobga olish kerakki, dorivor o‘simliklar xom ashyosida o‘z mikroflorasi ya’ni normal mikroflora va fitopatogen mikroorganizmlar ya’ni o‘simlik kasalliklari qo‘zg‘atuvchilari bilan zararlangan bo‘lishi mumkin.
O‘simliklar normal mikroflorasi barg yuzida, urug‘larida, ildiz oldi sistemasida har xil bo‘ladi.
Jonli (tirik) o‘simliklarda yashovchi va ularga zarar keltirmaydigan mikroblar, “epifit mikroflora” tushunchasiga birlashgan. Yangi kesilgan yaproq yuza qismida ko‘pincha 2 xil bakteriya aniqlandi:
1)Bact herbicola aureum va
2)Psevdomonas fluorescens
Kam hollarda sporali bakteriyalar: Bac mesentericus, Bac vulgatus
Sporasiz - Bact putiodam, E coli va zamburug‘lar
Bu mikroflora o‘simliklarda qaysi geografik zonadaligidan qat’iy nazar bo‘ladi.
Bact herficola aureum – qisqa Gr(-) tayoqchalar bo‘lib, 2 ta polyar xivchinlari bo‘ladi. Go‘sht peptonli agarda yuzida shilimshiq bo‘lgan, tilla sariq rangli yumaloq koloniyalar hosil qiladi.
Ps flurescens – polimorf, polyar xivchinli tayoqchalar bo‘lib, Gr(-). Zich ozuqa muhitida chetlari notekis bo‘lgan tiniq koloniyalar hosil qiladi.
Tuproqda o‘simlik ildizi atrofida intensiv o‘sish zonasi bo‘ladi va mikroblar yuqori aktivlikka ega bo‘lib, bu qism rizosfera deyiladi.
Rizosferaning sifat va miqdor tarkibi har bir o‘simlik turi uchun spetsifik bo‘ladi.
Ko‘pincha sporasiz bakteriyalar va mikobakteriyalar uchraydi. Kam hollarda sporali bakteriyalar, aktinomitsetlar va zamburug‘lar uchraydi. Tuproq mikroorganizmlari o‘simliklarga ijobiy ta’sir qilib, ular o‘simliklar uchun zarur bo‘ladi, ular bilan simbioz holda bo‘lishi mumkin yoki zararli ta’sir qilib, ularning nobud bo‘lishiga olib kelishi mumkin.
Tuproqdagi bakteriyalardan Ps. fluorescens, rizosfera zonasida joylashgan bo‘lib, o‘simliklarni infeksiyadan himoya qilishda katta rol o‘ynaydi, ya’ni ular o‘simliklarni fitopotogen bakteriyalardan himoya qiladi. Lekin aynan shu bakteriyalar o‘simliklarda jarohatlangan to‘qimalari orqali kirib, ularning chirishiga sabab bo‘ladi.
O‘simliklarning mikroblar bilan ifloslanishi o‘stirish sharoitlariga, ularning balandligi va butunligiga bog‘liq bo‘ladi. Kulturali tuproq o‘simliklarida mikroblar, o‘rmon va gulzorlardagiga qaraganda ko‘p bo‘ladi. Kuzda yaproqlarda bakteriyalar, bahordagidan ko‘p bo‘ladi. O‘simliklarning yuqori qismida joylashgan yaproqlarda mikroblar kam, pastki qismidagi yaproqlarda ko‘p bo‘lib, bunga sabab, pastki qismiga mikroblar tuproqdan yomg‘ir yog‘ganda sachrab o‘tishi hisobiga. Ayniqsa o‘simlik mikroblar bilan ko‘p ifloslangan bo‘ladi sug‘orish maydonlarida, axlatxonali joylarda, yoki avvaldan axlatlar to‘kilgan joylarda, mol boqiladigan yaylovlarda. Shu erda o‘sgan o‘simliklar tarkibida inson salomatligi uchun xavfli bo‘lgan patogen mikroorganizmlar bo‘lishi mumkin.
Kesilgan yoki yulingan o‘simliklarni darrov qayta ishlash, ishlov berilishi lozim, chunki ular mikroblarning rivojlanishi uchun qulay muhit hisoblanadi. Quritilgan o‘simliklarda mikroblar hayot faoliyati susayadi, ko‘pgina bakteriyalar nobud bo‘ladi.
Fitopotogen mikroblar qo‘zg‘atuvchi o‘simliklardagi infeksion kasallanish ya’ni bakterial kelib chiqishiga ega bo‘lsa bakterioz deyiladi. Bakteriozlarga har xil chirishlar, bakterial dog‘lar, kuyish, nekroz, so‘lish va boshqalar kiradi. Chirishlar quruq va nam bo‘ladi, bunda o‘simlik hujayralarining yumshaganligi, hujayralarning parchalanishi yoki ma’lum bir qismining yoki butun o‘simlikning nobud bo‘lishi ko‘zatiladi.
O’simliklardan olinadigan dorivor xom-ashyolar bu mahsulotlarni yig’ishtirib olish va tayyorlashning turli bosqichlarida – o’simliklarni yig’ish, dastlabki ishlov berish, quritish, yanchish – maydalsh, maxsus idishlarga joylashtirish, shuningdek, standart holatda saqlanish chog’ida xomashyoni maydalash, dorivor kukunlarga aylantirish, briket, granul va tabletka holiga keltirish jarayonida ham urug’lanishi mumkin. O’simliklardan olingan dorivor xomashyolar avvalo saqlanish joyida namlikning belgilangan normadan oshib ketishi natijasida buziladi: namlik oshib ketsa, xomashyo tarkibida har xil zamburug’lar ,chirituvchi, stellyuzalarni parchalovchi bakteriyalar va boshqa mikroorganizmlar paydo bo’ladi. O’simliklardan olinadigan dorivor moddalar va xomashyolarning mikrob bilan zararlanishini tekshirib ko’rishda quyidagi usullardan foydalaniladi:aseptic sharoitda sterillangan asbob yordamida tekshirib ko’rilayotgan xomashyo yoki dorivor moddadan 1 g olib, ichiga 5 ml natriy xloridning izotonik eritmasi solingan sterillangan probirkaga solinadi. So’ngra shuttel uskunasida 10 minut davomida chayqatiladi. Aralashmadan 1 ml ini olib , 1:10 yoki 1 :100 nisbatda suyultiriladi. Eritmalarning har biridan namuna olib ozuqa muhiti bilan to’ldirilgan Petri kosachasining tubiga ekiladi. Termostatda inkubatsiya qilingandan keyin (240 S -370 S ) o’sib chiqqan mikroorganizmlar koloniyalari hisoblab chiqiladi va o’rganilayotgan namunadan olingan eritma xarakterini hisobga olgan holda mahsulotning ( 1 g li tarkibidagi ) mikroblar bilan zararlanish darajasi aniqlanadi.
Do'stlaringiz bilan baham: |
