Toshkent farmasevtika instituti toksikologik kimyo kafedrasi

Barbitur kislota hosilalarini qon va peshobdan ajratib olish hamda tahlilih

50 ml hajmli kolbaga 2 ml qon yoki 10 ml peshob olinib, pH sharoiti 2 ga kelguncha xlorid kislota bilan nordonlashtiriladi. Aralashma 2 qayta 5 ml dan xloroform bilan, har gal 1 daqiqadan chayqatib ajratib olinadi, so‘ngra yupqa qatlam xromotografiyasi usuli bilan barbituratlarni aniqlanadi. Buning uchun silikagel bilan qoplangan oyna yoki “Silufol” plastinkalarining start chizig‘iga nuqta shaklida bir tomchi xloroformli eritmadan, undan 2 sm oraliqda nuqta holida bir tomchi barbituratlarning aniqlovchi eritmalardan (0,01% etil spirtidagi barbiturat eritmasi) tomiziladi. Plastinka xloroform n-butanol-25% ammiak (70:40:5) erituvchilar sistemasini saqlagan idishga tushiriladi va suyuqlik 10 sm ga ko‘tarilguncha saqlanadi. Plastinka kameradan olinib ochiq havoda quritilgach, dog‘larni hosil qilish uchun difenilkarbozidning 0,02% xloroformli va simob sulfatning 1% eritmasi bilan purkaladi. Barbituratlar bo‘lgan taqdirda xromotagrafik plastinkada binafsha rangdagi dog‘lar hosil bo‘ladi. Barbiturat aniqlangan taqdirda birlashtirilgan xloroformli ajralmaga 4-5 g suvsiz natriy sulfat tuzi qo‘shiladi hamda 10 ml pH sharoiti 7,4 bo‘lgan fosfat buferi eritmasi bilan yuviladi (tozalash). Xloroformli qatlam ajratgich voronkasi yordamida ajratilib, barbituratlarni 10 ml pH=10 bo‘lgan borat buferi bilan qayta ekstraksiyalanadi. Emulsiya hosil bo‘lsa 5 daqiqa davomida sentrifuglanadi va suvli qatlam barbituratlarni aniqlash uchun ajratib olinadi va UB spektrofotometrik usulda miqdori aniqlanadi.


1-KEYS. Sud-kimyo ekspertizasiga biologik ob`yekt sifatida qon keltirildi. Undan dastlabki
tahlil morfin borligiga gumon qilindi. Qaysi moddalarga tahlil olib borish zarur. Muammoning yechimini izohlang.

Muammo turi	Kelib chiqish sabablari	Hal etish yo`llari