Toshkent davlat yuridik universiteti mamasiddiqov muzaffarjon musajonovich esanova zamira normurotovna

1-BOB. FUQAROLIK PROTSESSUAL HUQUQI 
TUSHUNCHASI, TIZIMI VA PRINSIPLARI
 
 
     1.1. Fuqarolik protsessual huquqi tushunchasi va predmeti 
 
Fuqarolik  sud  ishlarini  yuritish  to‘g‘risidagi  qonun  hujjatlarida 
mustahkamlangan  fuqarolik  protsessual  qoidalarning  majmui  mustaqil 
huquq sohasi bo‘lmish fuqarolik protsessual huquqini hosil qiladi. 
Bir so‘z bilan aytganda, fuqarolik protsessual huquqi fuqarolarning 
shaxsiy,  siyosiy,  iqtisodiy  va  ijtimoiy  huquqlarini,  erkinliklari  va 
manfaatlarini,  shuningdek  korxonalar,  muassasalar,  tashkilotlar,  jamoat 
birlashmalari va fuqarolar o‘zini o‘zi boshqarish organlarining huquqlari 
hamda  qonun  bilan  qo‘riqlanadigan  manfaatlarining  sud  orqali  himoya 
qilinishini ta’minlaydi.