Toshkent davlat yuridik instituti fuqarolik huquqi

Tovarlar  yetkazib  berish  to‘g‘risidagi  davlat  kontrakti  va  davlat 

ehtiyojlari  uchun  tovarlar  yetkazib  berish  shartnomasining  mazmuni. 

Bizga  ma’lumki,  shartnomalaming  mazmunini  taraflarning  huquq  va 

majburiyatlari  tashkil  etadi.

Davlat  kontrakti  shartlariga  m uvofiq  tovarlar  bevosita  davlat 

buyurtmachisiga  yoki  uning  ko'rsatmasi  (jo'natish  raznaryadkasi)ga 

muvofiq boshqa shaxs (oluvchi)ga yetkazib beriladigan hollarda kontraktni 

bajarish bo'yicha taraflarning munosabatlari FKning 437-456-moddalarida 

nazarda  tutilgan  qoidalar  bilan  tartibga  solinadi.  Ya’ni  mahsulot  yetkazib 

berish  shartnomasiga  oid  qoidalar  qo'llaniladi.

www.ziyouz.com kutubxonasi

---

Agar  davlat  kontraktida  sotib  oluvchilarga  tovarlar  yetkazib  berish 

mahsulot  yetkazib  beruvchi  (ijrochi)  tomonidan  davlat  buyurtmachisi 

belgilaydigan  davlat  ehtiyojlari  uchun  tovarlar  yetkazib  berish 

shartnomalariga muvofiq amalga oshirilishi nazarda tutilgan bo‘lsa, davlat 

buyurtmachisi  davlat  kontrakti  tuzilgan  kundan  boshlab  kechi  bilan  30 

kunlik  muddatda  sotib  oluvchining  yetkazib  beruvchi  (ijrochi)ga 

biriktirilgani  to'g'risida  mahsulot  yetkazib beruvchi-ijrochi va  sotuvchiga 

bildirish  xati  yuboradi.

Sotib  oluvchi  yetkazib  beruvchi  (ijrochi)ga  biriktirilgani  to'g'risidagi 

bildirish  xati  davlat  ehtiyojlari  uchun  tovarlar  yetkazib  berish 

shartnomasini  tuzishga  asos  bo'lib  xizmat  qiladi.

Davlat  ehtiyojlari  uchun  tovarlar  jo'natish  raznaryadkalarida 

ko'rsatilgan  oluvchilarga  yetkazib  berilgan  hollarda,  agar  davlat 

kontraktida  boshqacha  hisob-kitob  tartibi  nazarda  tutilgan  bo'lmasa, 

tovarlar  haqi  davlat  buyurtmachisi  tomonidan  to'lanadi.

Tovarlar sotib oluvchilarga davlat ehtiyojlari uchun tovarlar yetkazib 

berish  shartnomasi  bo'yicha  yetkazib  berilgan  hollarda,  agar  davlat 

kontraktida baho belgilash va hisob-kitoblarning boshqacha tartibi nazarda 

tutilgan  bo'lmasa,  sotib  oluvchilar  tovarlar  haqini  davlat  kontraktiga 

muvofiq  belgilanadigan  baholarda  to'laydilar.

Davlat  ehtiyojlari  uchun tovarlar  yetkazib berish  to'g'risidagi  davlat 

kontrakti  bo'yicha  tovarlar  haqi  sotib  oluvchi  tomonidan  to'langanda 

davlat  buyurtmachisi  sotib  oluvchining  ushbu  majburiyati  bo'yicha  kafil 

hisoblanadi.