Toshkent davlat iqtisodiyot universiteti samarqand filiali iqtisodiyot fakulteti

“FOTON” AJ xodimlarining tarkibiy tahlili²³

7. 
   jadval
   

№	Xodimlar	2019 y.		2020 y.		2021 y.
		Kishi	%	kishi	%		kishi	%
1.	Asosiy ishlab chiqarish xodimlari	366	71,1	406	73,2		389	74,7
2.	Yordamchi ishlab chiqarish xodimlari	22	4,3	24	4,3		6	1,2
3.	Injener-texnik xodimlar	87	16,9	83	14,9		82	15,7
4.	Ma’muriy boshqaruv xodimlari	40	7,8	42	7,6		44	8,4
	Jami	515	100,0	555	100,0		521	100,0

Jadval ma’lumotlaridan shuni ko‘rishimiz mumkinki, korxonada 2021 yil ma’lumotlariga ko‘ra, 521 kishi faoliyat ko‘rsatishi qayd etilgan. Bular tarkibida ishlab chiqarish xodimlari – 395 kishi (75,9%), injener-texnik xodimlar – 82 kishi (15,7%) va ma’muriy boshqaruv xodimlari – 44 kishi (8,4%) mavjuddir. 2020 yil ma’lumotlariga ko‘ra, “FOTON” AJ da 555 kishi faoliyat yuritgan bo‘lib, ulardan 430 nafari, ya’ni 77,5 foizi ishlab chiqarishda band bo‘lganlar, 83 tasi, ya’ni 14,9 foizi injener-texnik xodimlar va 42 nafari, ya’ni 7,6 foizi ma’muriy boshqaruv xodimlari tarkibiga kiradi. 2019 yilda jamiyatda 515 nafar xodim faoliyat ko‘rsatib, ularning 75,4 foizini ishlab chiqarishda band bo‘lgan xodimlar, 16,9 foizini injener-texnik xodimlar hamda 7,8 foizini ma’muriy boshqaruv xodimlari tashkil etadi. Jadval ma’lumotlarini tahlil etish natijasida shuni ko‘rish mumkinki, 2021 yilda 2019 yilga nisbatan jami xodimlar soni 1,2% ga oshgan (6 nafarga

ko‘paygan), 2020 yilga nisbatan esa 6,1%ga pasaygan (34 nafarga kamaygan). Shundan yordamchi ishlab chiqarish xodimlari tarkibi keskin qisqarishini kuzatish mumkin: 2019-2020 yillarda umumiy ishchilar sonini 4,3% ini tashkil etgan bo‘lsa, 2021 yilga kelib bu ko‘rsatkich 1,2% ga teng bo‘lgan, ya’ni 3,1% ga farq qilishi kuzatilgan. Injener-texnik xodimlar, ma’muriy boshqaruv xodimlari soni nisbatan barqaror sur’atda bo‘lgan.
Mazkur korxonada ishlab chiqarish xodimlarini o‘qitish rejalashtirilgan holda, o‘z vaqtida amalga oshiriladi. Xodimlarni tayyorlash, qayta tayyorlash va malakasini oshirish korxonaning KSt 14827766-3.020:2019 – “Malakali personal bilan ta’minlash, personalni kasbiy tayyorlash va attestatsiyadan o‘tkazish” standartiga muvofiq amalga oshiriladi.
“FOTON” AJ da kadrlarga bo‘lgan talab rejalashtiriladi va ularni o‘qitish va o‘qishini tashkil qilish yuzasidan qator ishlar olib boriladi. Kadrlarni tayyorlashga oid faoliyat to‘rt asosiy yo‘nalishda amalga oshiriladi:

1. 
   O‘qitish, qayta qabul qilingan personalni attestatsiyadan o‘tkazish.
   
2. 
   Xalq iste’moli tovarlari va yarim o‘tkazgichli mahsulotlar ishlab chiqarishda band bo‘lgan xodimlarni har yili tayyorlash va attestasiyadan o‘tkazish.
   
3. 
   Korxona xodimlari va injener-texnik xodimlarni tashqi tashkilotlarda o‘qitish “O‘zstandart” Agentligi, NIISMS, UPP «Hunar Tabiiy», MCHJ «SERT AKADEMIS» va boshqalar.
   
4. 
   Talabalarning ishlab chiqarish diplom oldi amaliyotlarini o‘tashlari, o‘quvchilar va oliy bilim yurtlari talabalari uchun tanishtiruv ekskursiyalarini uyushtirish hamda korxonaga yosh mutaxassislarni jalb qilish yo‘li bilan bandlikka ko‘maklashish maqsadida O‘zbekiston Respublikasidagi kollejlar va Oliy O‘quv yurtlari bilan o‘zaro hamkorlikda bo‘lish.
   

Quyidagi jadval ma’lumotlaridan 2019-2021 yillar mobaynida “FOTON” aksiyadorlik jamiyatida xodimlarni tayyorlash va malakasini oshirishga qaratilgan ishlarni tahlil etish mumkin. 2019 yilda jami 269 nafar xodim kasb-hunarga o‘qitilgan, ulardan 259 nafari asosiy ishlab chiqarish xodimlari, 8 nafari injener-
texnik xodimlar hamda 2 nafari ma’muriy boshqaruv xodimlari bo‘lsa, 2020 yilda bu ko‘rsatkich jami 289 kishini tashkil etgan va shulardan asosiy ishlab chiqarish xodimlari soni 276 ta, injener-texnik xodimlar soni 10 ta va ma’muriy boshqaruv xodimlari soni 3 taga yetgan.

7.