Toshkent davlat agrar universiteti

1.1.2-jadval.

Xizmatlar sohasining YaIMdagi va tashqi savdodagi ulushi.¹²

Ko‘rsatkichar	2005	2010	2011	2012	2013	2014	2015	2016	2017
Xizmatlarning YaIMdagi ulushi (%)	41,9	48,9	50,5	52	53	54	54,5	54,8	55,6
Xizmatlarning eksportdagi ulushi (%)	12,2	10,2	11,8	17,3	18,9	21,5	24,5	25,3	25,9
Xizmatlarning importdagi ulushi (%)	10,4	5,3	5,0	5,8	6,8	8,0	7,7	7,2	6,8

Respublikamizda xizmat ko‘rsatish sohasini jadal rivojlantirish va uning yalpi ichki mahsulotdagi ulushini keskin oshirish bir qator muhim ijtimoiy-iqtisodiy muammolarni hal etish, ya’ni aholini ish bilan ta’minlash, kishilarning real daromadlarini ko‘paytirish, aholi barcha qatlamlarining turmush farovonligini yaxshilash imkonini bermoqda. O‘tgan yillar mobaynida mamlakatimiz xizmatlar sohasida olib borilgan islohotlar uning tez suratda rivojlanishini ta’minladi. Buning yaqqol dalili sifatida YaIMni ishlab chiqarishda xizmatlar sohasi ulushining oshishini ko‘rsatish mumkin. Ushbu ko‘rsatkich mamlakatimiz iqtisodiyotida yildan-yilga o‘sib kelmoqda. Ya’ni respublika yalpi ichki maxsulotining 2005 yilda 41,9 foizini, 2010 yilda 48,9 foizini, 2015 yilda 54,5 foizini xizmatlar sohasi tashkil etgan va bu oxirgi o‘n yilda sohaning 12,6 foizga o‘sganligini ko‘rsatadi. Shu jumladan, O‘zbekiston Respublikasi tashqi savdosida ham xizmatlar sohasining eksport-import muomalalari hajmi oshib bormoqda. Xususan, 2010 yilda respublika eksport hajmida xizmatlar sohasining ulushi 10,2 foizni tashkil etgan bo‘lsa, 2015 yilda bu ko‘rsatkich 24,5 foizga ko‘tarilgan, import tarkibida esa 2010 yilda 5,3 foizni tashkil etib, 2015 yilda 7,7 foizga yetgan (1.1.2-jadval). Jahon iqtisodiyotidagi bu holatlar butunjaxon iqtisodiyoti tizimi globallashuvi tendensiyasiga mos bo‘lib, bu holat ko‘plab mualliflar tomonidan postindustrial rivojlanish davriga xos bo‘lgan yangi turdagi iqtisodiyot shakllanishining alomati sifatida baholanadi.

1.1.3-jadval.