Til va adabiyot fanlari tavsifi

134

umumiy o‘rta ta’limning milliy o‘quv dasturi loyihasi

olish, xulosa chiqarish va xulosani matnda berilgan hodisaga bog‘lay olishga oid topshiriqlar.

Oʻzbek tilidagi asosiy tovushlar, unli va undosh tovushlarning soʻzning turli oʻrinlaridagi talaffuzi, adabiy talaffuz me’yorlari, soʻzlarni bogʻlashdagi talaffuz qoidalari. Qisqartmalar talaffuzi. Talaffuzda eng koʻp yoʻl qoʻyiladigan xatolar ustida ishlash. Aniq talaffuz qilishni ta’minlovchi mashqlar bilan tanishish.
Matn. Matnning tuzilishi. Matnning hajmiga koʻra turlari. Makro va mikro matn. Matn tuzish qoidalari.
Ijtimoiy tarmoqlarda berilgan axborot matnlarining imloviy, uslubiy xatoliklarini aniqlash, ularni tahrirlash bilan bog‘liq mashqlar.
Bir lavozimdan boshqasiga o‘tkazish uchun tavsiyanoma yozish. Marketolog (savdo, marketing, zamonaviy kasblar)
Zamonaviy kasblarga oid til birliklari, ularning talaffuzi va imlosi. Zamonaviy kasblar nomlarining kelib chiqishi, ular ifodalagan ma’noni izohlash bilan bog‘liq mashq va topshiriqlar. Muayyan sohaga oid til birliklari yordamida matn yaratish. Bunda kiritmalardan nutqda to‘g‘ri foydalanish.
Ajratilgan boʻlakni ifodalash usullari, ajratilgan boʻlakli gaplarda tinish belgilaridan va ohangdan toʻgʻri foydalanish. Ajratilgan boʻlak va uyushiq boʻlakning oʻzaro farqi.
Publitsistik uslub, publitsistik uslubdagi matnni yaratish qoidalari, unda qoʻllaniladigan til birliklari. Publitsisitik uslubda yozilgan matnning ifoda shakli va unda qoʻllanilgan til birliklarini tahlil qilish mashqlari.
Savdo-sotiq doʻkonlari, maishiy xizmat koʻrsatish shaxobchalari, tashkilot, korxona va muassasa nomlarining tanlanishi, ularning imlosi bilan bog‘liq ma’lumotlarni toʻplash hamda ushbu ma’lumotlarga nisbatan tanqidiy ruhdagi publitsistik matn tayyorlash.