Til va adabiyot fanlari tavsifi

VII BO‘LIM. TIL VA DIL

(9 soat)
Tutilmay gapiraman (nutq, taqdimot tayyorlash koʻnikmalari)
Oʻzbek tilining qonun-qoidalariga amal qilgan holda turli vaziyatlarda ta’sirchan va ravon so‘zlay olish, bunda talaffuz qoidalariga rioya qilishga oid mashqlar. Omma oldida nutq so‘zlash qoidalari bilan tanishish, ularni amaliy qo‘llay olish bilan bog‘liq mashq va topshiriqlar.
Undov so‘z – insonlarning buyruq-xitobi va his-hayajonini ifodalovchi so‘z sifatida. Kishilardagi quvonch, erkalash-erkalanish, rohatlanish, hayron qolish, norozilik, g‘azab-nafrat, og‘riq singari his-hayajonni ifodalovchi undov so‘zlar.
Egalik shakllari. Egalik – predmet ( shaxs, narsa, voqea-hodisa, o‘rin-joy)ga egalikni ifodalovchi shakl. Qaratqich va egalik qo‘shimchalarining bir-birini o‘zaro taqozo qilishi. Egalik shaklida shaxs va son ifodasi. Egalik shaklining xususiyatlari.
Topshiriqli matn asosida egalik shaklidagi so‘zlarni yozish bo‘yicha malaka hosil qilish. Matn mazmunini anglash, so‘zlovchi shaxsini o‘zgartirgan holda qayta hikoyalay olish, so‘zlovchi shaxsi o‘zgarganida egalik shaklida yuz beradigan oʻzgarishni izohlash.
Berilgan mavzu bilan bog‘liq taqdimot tayyorlash, mavzu yuzasidan aniq faktlar, dalillar asosida fikr bildirish, bunda o‘z fikrlarini himoya qila olish, fikrlar tartibi va ularni o‘zaro bog‘lovchi til birliklaridan o‘rinli foydalanish bilan bog‘liq mashq va topshiriqlar.