Til va adabiyot fanlari tavsifi

Sayyohlari koʻp diyor (tarixiy shaharlarimiz)
Matn tarkibidagi so‘zlarga so‘roq berish orqali shaxs, narsa va joy nomini bildiruvchi so‘zlarni aniqlash mashqlari. Shaxs, narsa va joy nomlarining yasalishi, ularni yasovchi qo‘shimchalar va imlosi. Matn tarkibida berilgan so‘z, ibora va birikmalarning ma’nosini izohlash bilan bog‘liq topshiriqlar.
Badiiy va ilmiy-ommabop uslubda ta’riflangan shaharlar haqidagi matnlarni oʻqish, ularda qoʻllangan til birliklaridagi farqlarni aniqlashga doir mashqlar.
Mavzu bilan bog‘liq berilgan gaplar tarkibidan bosh bo‘laklarni ajratish. Ularga so‘roq berish, ega va kesimning so‘roqlari bilan bog‘liq mashq va topshiriqlar.
Mavzu yuzasidan og‘zaki suhbat uyushtirish, bunda o‘z fikrini dalillashga, maqsadga muvofiq so‘z va birikmalardan foydalanish bilan bog‘liq topshiriqlar.

Kulolchilik
Hunarmandchilikka oid atamalar va ularning yasalishi bilan tanishish, matn tarkibida berilgan atamalarni aniqlash, ularning ma’nolarini topish, atamalar yordamida lug‘at tuzish.
Tinglangan audiomatn tarkibidagi hunarmandchilikka oid soʻzlarni aniqlash va ularni guruhlash topshiriqlari.
Mavzu yuzasidan 5 yoki undan ortiq gapdan iborat dialogik matn yaratish, unda tinish belgilarining ishlatilishi bilan bog‘liq mashq va topshiriqlar. Matn tarkibida berilgan ayrim darak gaplarni so‘roq gaplarga aylantirish mashqlari.