Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari. Sterillangan tibbiy buyumlar va uskunalarning saqlanish qoidalari. Atamalar va ta’riflar

11. Sterilizatsiya markazida xirurgik choyshablarini
yuvishga bo‘lgan talablar
11.1. Operatsion choyshablarga jarrohlik xalatlari, sochiqlar, oqliklar, niqoblar, qalpoqchalar va baxilalar kiradi.
11.2. Xirurgik yo‘nalishdagi statsionarlarda ishlatiladigan barcha operatsiya choyshablari dezinfeksiya qilinishi, yuvilishi va sterilizatsiya qilinishi kerak.
11.3. Ko‘p marotaba ishlatiladigan operatsiya choyshablarga markirovka qilingan bo‘lishi va ularni yuvish uchun maxsus qopchalarda boshqa choyshablardan alohida topshirilishi kerak.
11.4. Xirurgik choyshablarni yuvish uchun sterilizatsiya markazi tarkibida kirxona tashkil etilgan bo‘lishi kerak.
11.5. Kirxonada choyshablarni yuvishda ketma-ketlik qoidalariga rioya etilishi va toza va ishlatilgan choyshablarni yuvish texnologik oqimi harakati bir-biri bilan kesishmasligi kerak.
11.6. Xirurgik choyshablarni yuvishda ikkita oynadan, ya’ni – yuklash (“notoza”) va chiqarish (“toza”) oynalardan iborat to‘siq tipidagi kir yuvish mashinalarida amalga oshiriladi.
11.7. Kirxona xonalarining tarkibi, bir smenada keltiriladigan choyshablar hajmiga qarab, amaldagi me’yoriy hujjat talablari asosida tashkil etiladi.
11.8. Ishlatilgan choyshablar kirxonaning qabul qilish sexida qabul qilib olinadi.
11.9. Kir yuvish xonasida choyshablarni qabul qilish va saralash maxsus kiyimda amalga oshiriladi, bu kiyim har kuni, shuningdek notoza zonadan toza zonaga o‘tishda almashtiriladi.
11.10. Choyshablar quritish barabanlarida hamda issiq mavsumda ochiq havoda quritiladi.
11.11. Quritilgandan keyin choyshablar biroz namligida texnologik liniya bo‘yicha dazmollashga yuboriladi. Ular dazmollash katoklari, dazmollash presslari va dazmollar stollarida dazmollanadi.
11.12. Dazmollangan choyshablar har bir DPM uchun assortimentga qarab taxlanadi va jamlanadi.
11.13. Bo‘linmalarga qaytarish uchun tayyorlangan choyshablar sterilizatsiya markazining toza zonasiga yuboriladi.
11.14. Ishlatilgan choyshablar bilan ishlaydigan xodimlar sanitariya kiyimlari (xalat, ro‘molcha) hamda shaxsiy himoya vositalari (qo‘lqoplar, niqob yoki respirator) bilan ta’minlangan bo‘lishi kerak.
11.15. Ishlatilgan choyshablar bilan yuvish ishlari oxiriga yetkazilgandan keyin sanitariya kiyimlari yuvishga yuboriladi, qo‘lqoplar va niqob dezinfeksiyalovchi eritmada zararsizlantiriladi, qo‘llar sovun bilan yuviladi va antiseptik vosita yordamida ishlov beriladi.
11.16. Organizmning biologik suyuqliklari bilan ifloslangan choyshablar transportirovka qilingandan keyin sanitariya xonasida dezinfeksiya qilinadi.
11.17. Xirurgik choyshablarni saralash, tayyorlash, yuvish, dazmollash, ta’mirlash va ularni saqlashni tashkil qilish uchun kirxonada mas’ul xodimi tayinlanadi.
11.18. Xirurgik choyshablarni ishlov berishning sifati toza buyumlar omborida saqlanadigan barcha turdagi choyshablardan bakteriologik ifloslanishga surtmalar olish bilan nazorat qilinadi.
11.19. Bakteriologik nazorat bir yilda kamida 2 marta, shuningdek kir yuvish texnologiyasi o‘zgarganda amalga oshirilishi lozim.
11.20. Kirxonada ishlovchi barcha xodimlari maxsus kiyim to‘plami bilan ta’minlanishi va ular har kuni almashtirilishi kerak.
11.21. Kirxonaning barcha xonalarda qo‘llarni yuvish uchun rakovinalar o‘rnatilgan bo‘lishi kerak.
11.22. Ish vaqti tugagandan keyin xodimlar gigienik dush qabul qilishlari kerak.
11.23. Kirxonaning ishlab chiqarish xonalarida ovqatlanish ta’qiqlanadi.