Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

4. Qosımsha qun salıg’ın byudjetke to’lew h’a’m esap-sanaqlardı tapsırıw mu’ddetleri. (schet-faktura) esap-baraq faktura h’a’m onı toltırıw ta’rtibi.
Qosımsha qun salıg’ı boyınsha esap-sanaqlardı (5-qosımsha) ka’rxana o’sip barıwshı juwmaq penen dizimnen o’tken jerindegi Ma’mleketlik salıq mekemelerine h’a’r ayda, esap beriw ayınan keyingi aydın’ 25-ku’ninen keshiktirmesden h’a’m jıl juwmaqları boyınsha jıllıq finans esabın tapsırıw mu’ddetinde qosımsha qun salıg’ın to’lewshiler esaplang’an mikrofirma h’a’m kishi ka’rxanalar jıldın’ h’a’r shereginde esap beriw dawirinen keyingi aydın’ 25-ku’ninen keshiktirmey, jıl juwmaqları boyınsha bolsa jıllıq finans esabı tapsırılg’an mu’ddette tapsırıladı.
Salıq to’lewshiler qosımsha qun salıg’ının’ esap-sanaqları menen bir waqıtta esap beriw da’wiri dawamında alıng’an tovarlar (jumıslar, xızmetler) boyınsha esap baraq fakturalar reestrin de tapsıradı. Esap baraq-fakturalar reestrinin’ forması ma’mleketlik (salıq) salıq komiteti ta’repinen belgilenedi.
Esap-sanaqlardı o’z waqtında tarpsırmag’an jag’dayda ka’rxana h’a’m onın’ lawazımlı shaxslarına Ma’mleketlik salıq mekemleri ta’repinen finanslıq h’a’m administrativlik jaza-sharalarının’ qollanılıwına alıp keledi.
1998-jıl 1 yanvardan O’zbekstandag’ı barlıq ka’rxanalar h’a’m sho’lkemler ushın, tovarlardı satqanda, jumıs h’a’m xızmetler ko’rsetkende esap-baraq fakturanı toltırıw nızam tiykarında sha’rt dep belgilendi.
Salıq kodeksine muwapıq qosımsha qun salıg’ının’ to’lewshisi bolmag’an, sonday-aq qosımsha qun salıg’ın to’lewden azat etilgen aylanıstı a’melge asırıp atırg’an yuridikalıq ta’repler 6-shı h’a’m 7-shı u’stinge «Qosımsha qun salıg’ı summasız»-degen shtampını basadı, eger shtamp bolmasa qolda jazıp qoyadı h’a’m 8-u’stindi toltırmaydı.
5. İmport tovarlarına h’a’m import qılınatug’ın jumıslarg’a, xızmetlerge, qosımsha qun salıg’ın esaplaw ta’rtibi.
İmport etiletug’ın tovarlardın’ qosımsha qun salıg’ın to’lewshileri bolıp, tovarlardı import etetug’ın yuridikalıq ta’repler, sonday-aq bajı to’lemesten o’z mu’ta’jlikleri ushın normadan artıqsha tovarlar alıp kiretug’ın fizikalıq ta’repler esaplanadı (demek, fizikalıq ta’repler de tikkeley qosımsha qun salıg’ının’ to’lewshisi bolıwı mumkin).
Qosımsha qun salıg’ı salınatug’ın obekt bolıp, O’zbekstan Respublikasının’ bajıxana nızamlarına sa’ykes belgilengen bajıxana rejimlerine muwapıq O’zbekstan aymag’ına import etiletug’ın tovarlar esaplanıladı.