Tekshirdi: Zayniddinova Munira Fan: Xalqaro jurnalistika tizimi

Radioning rivojlanishi

• Oʻz milliy mustaqilligiga erishgan respublikamiz ham rivojlangan radio tarmogʻiga ega. Oʻzbekistonda 5 ta radiostudiya faoliyat koʻrsatmoqda. Ular orasida Oʻzbekiston televideniyesi va radiokompaniyasiga qarashli Toshkent radiosi yetakchi oʻrinni egallaydi. Oʻzbek radiosi doimiy ravishda toʻrt dasturda eshittirishlar olib boradi Shuningdek, Toshkentdan rus, oʻzbek, tojik, qozoq tillaridagi eshittirishlardan tashqari chet eldagi radiotinglovchilar uchun ingliz, hind, arab, fors, afgʻon, pushtu, uygʻur va boshqa tillarda eshittirishlar olib boriladi. Respublikamiz oʻz milliy mustaqilligini qoʻlga kiritgandan soʻng mamlakatimizda davlat radio eshittirishlari bilan bir qatorda nodavlat, ya’ni xususiy radio eshittirish tarmoqlari ham vujudga keldi. «Navruz», «Poytaxt», «Grand», «Hamroh», «Vodiy sadosi», «Oriyat–dono» va boshqa nomlardagi bu radio eshittirishlar har kuni efirga turli tezkor xabarlar, qiziqarli eshittirishlarni uzatmoqdalar.

Televideniya

• Toshkent televizion markazi qurilishi 1954-yil may oyida boshlanib, 1956-yil 5- noyabrda ishga tushirildi. Shu kuni kechqurun Toshkentda zangori ekranning chirogʻi yondi va birinchi televideniye diktor (suxandon)lari Iqbol Olimjonova (oʻzbek tilida) va Yunona Stolyarova (rus tilida) telekoʻrsatuvlarni olib bordilar. 1962-yildan boshlab Toshkent telestudiyasi ikki dasturda koʻrsatuvlar bera boshladi. 1967-yildan boshlab Moskva televideniyesi va 1971-yildan boshlab Toshkent televideniyesi rangli tasvirga oʻtdi.

Televideniyaning rivojlanishi

• Mamlakatimizda televideniyening tashkiliy tuzilishi turli xildir, bizda davlat telekompaniyasi bilan bir qatorda nodavlat televideniye studiyalari ham ish koʻrmoqda. Toshkent televideniyesi toʻrt − «Oʻzbekiston» deb nomlanuvchi 1- kanal, 2- “Toshkent” kanali, 3-«Yoshlar kanali», 4-Sport kanali boʻyicha koʻrsatuvlar olib boriladi. Toshkent telestudiyasida «Siyosat», «Iqtisodiyot», «Ma’rifat», «Axborot», «Umid», «Musiqa», «Kino» va boshqa ichki studiyalar faoliyat koʻrsatmoqda. Teledasturlarning rang-barangligi mamlakatimizning ijtimoiy-siyosiy, iqtisodiy-ishlab chiqarish, madaniy-ma’naviy hayotining barcha sohalarini qamrab olish imkoniyatini beradi.