Таянч иборалар

Бакалавр тайёрланади: 
1.Муайян йўналишлар бўйича олий маълумотли шахслар эгаллаши 
мумкин бўлган лавозимларга; 
2.Бакалариат йўналишига мувофиқ келувчи танланган мутахассислик 
бўйича магистратурада олий таълимни давом эттиришга; 
3.Қайта тайёргарлик ва малака ошириш тизимида қўшимча касбий 
таълим олишга. 
Магистр тайёрланади: 
1.Аниқ ихтисослик бўйича мустақил илмий-тадқиқот, илмий-педагогик, 
бошқарув ва касбий фаолиятга; 
2.Магистр тайёрлашнинг тегишли мутахассислиги бўйича олий 
таълимнинг кейинги босқичи докторантурада таълим олишга; 
3.Кадрларни қайта тайёрлаш ва малакасини ошириш тизимида қўшимча 
касбий таълим олишга. 
Олий таълим муасасаларининг қуйидаги турлари мавжуд: 
Университет: 
- билим ва таълимнинг бир қанча соҳалари бўйича олий ва ундан 
кейинги таълим турлари дастурларини амалга оширади; 
-турли соҳа мутахассисларини қайта тайёрлайди ва малакасини 
оширади; 
-фанларнинг кенг қамрови бўйича фундаментал ва амалий тадқиқотлар 
олиб боради; 
-билимларнинг тегишли соҳалари бўйича илмий ва услубий марказ 
ҳисобланади. 
Академия: 
-билим ва таълимнинг муайян соҳалари бўйича ва ундан кейинги таълим 
турлари дастурларини амалга оширади; 
-билимнинг муайян соҳалари мутахассисларини қайта тайёрлайди ва 
малакасини оширади; 
-фан, маданият ва санъатнинг аниқ соҳалари бўйича фундаментал ва 
амалий тадқиқотлар олиб боради; 
-ўз фаолияти доирасида етакчи илмий ва услубий марказ ҳисобланади. 
Институт: 
-билимнинг бир соҳаси доирасида олий ва ундан кейинги таълим 
дастурларини амалга оширади; 
-муайян соҳа мутахассисларини қайта тайёрлайди ва малакасини 
оширади; 

---

-амалий ва фундаментал илмий тадқиқотлар олиб боради. 
Ушбу низомда талабаларнинг қуйидаги ҳуқуқлари:
1.Йўналишлар ва мутахассисликлар таълим дастурларида кўзда 
тутилган, фан, техника ва технологиялар, иқтисодиёт ва маданият ривожининг 
замонавий даражасига муносиб билимларни эгаллаш; 
2.Ўқув дастурига мувофиқ кўзда тутилган қўшимча курслар ва ўқиш 
турини танлаш; 
3.Таълим муассасаси фаолиятининг муҳим масалаларини муҳокама ва 
ҳал қилишда қатнашиш, шу жумладан жамоат ташкилотлари орқали ҳам; 
4.Таълим муассасаси Уставида жорий қилинган тартибда кутубхона, 
ахборот фонди, ўқув, илмий, тиббий ва бошқа бўлинмалар хизматларидан 
текин фойдаланиш; 
5.Илмий-тадқиқот ишлари, анжуманлар, симпозиумларда иштирок
этиш; 
6.Ўз илмий ишларини чоп эттириш; 
7.Олий таълим муассасаси маъмурияти қарорлари устидан шикоят 
қилиш; 
8.Белгиланган тартибда ҳарбий мутахассислик бўйича таълим олиш.