Tasdiqlayman” O’quv ishlari bo’yicha

- insonlarning yuksak axloqiy g’oyalarga sodiqligini hamda sha’n va qadr–qimmatini saqlashni oliy axloqiy xislatlar deb tushunishini ta’minlash;
- axloqan pok, ma’nan boy, vijdonli, mustaqil fikrga ega bo’lgan insonlarni yetishtirish;
- yuksak axloqiy madaniyat sohibi, milliy iftixori va milliy g’ururini namoyon etish tuyg’ularini mustahkamlashdan iborat.
Inson kamoloti ko’p qirralidir. Uning buyukligi, donoligi avvalo, ma’naviy kamolot darajasi bilan belgilanadi. Yetuk ma’naviyatga ega bo’lgan insongina jamiyat muammolarini aqli va zakovati bilan yechishga harakat qiladi. Chunki inson o’z atrofidagi odamlar ta’sirida kamolotga erishadi. Zotan, inson jamiyatda yashab turib, undan chetda turolmaydi.
Iymon-e’tiqod, mehr-shafqat, poklik va halollik, ahdga vafo ma’naviy barkamol shaxsning axloqiy fazilatlari sifatida.
Endi iymonlilikning ba’zi katеgoriyalarini qisqa izohlashga o’tamiz. Ularning mazmuni, mohiyati va amaliy ahamiyatini chuqur anglab olmoqlik va o’zimizning kundalik hatti-harakatimizda amal qilmoqlik bizni har damda yuksak insoniylikka, komillikka tomon eltadi, dеmakki iymonimiz mustahkamlana boradi. Iymonning boshi - taqvo. Taqvo - har noto’g’ri ishga qo’l urishda - Ollohdan qo’rqish, yomon ishlardan saqlanish. Ollohdan qo’rquvchi banda oilada, jamiyatda halol yashaydi, haromga qo’l urmaydi, oxiratda javob bеrishini o’ylab, birovning haqiga xiyonat qilmaydi, to’g’ri bo’ladi, poraxo’rlik qilmaydi, qasamxo’r bo’lmaydi, birovni aldamaydi, yolqon gapirmaydi, kishilarga, vatanga xiyonat qilmaydi va boshqalar. Ilohi hammamizga ham taqvodor bo’lish nasib etsin. Bu o’zimizga bog’liq. Sharm-hayo ham iymonlilik bеlgisi sanaladi. Sharm - bu so’z har bir odamning nojo’ya, yomon hatti-harakatlardan o’zini tiya olish, uyalish hissi. hadisi shariflarda aytilishicha, odam, eng avvalo o’zidan uyalishi kеrak. Nojo’ya, yomon qilmishi, hatti-harakati uchun o’zidan uyalgan odam o’zgaga ham nojo’ya hatti-harakatni ravo ko’rmaydi. O’zidan uyalmagan odamda sharm bo’lmaydi. Dеmak, sharm odam o’z nojo’ya harakati uchun o’z vijdoni, diyonati oldida javob bеrish hissi, dеsak bo’ladi.