Talim vazirligi

L
Lakkolit – ( lotincha lakkos- chuqurlik, litos- tosh, ya’ni chuqurdagi tosh) uncha chuqur bo’lmagan yer qatlamlari orasida qotib qolgan magmatik tog’ jinslari. Shakli gumbazsimon bo’ladi, cho’kindi jinslar orasida tomirlar xosil qiladi.

Laguna – (Italyancha laguna, lotincha lakus – ko’l) to’lqin keltirgan qum marzalari orqali dengizdan ajralib qolgan tabiiy, sayoz suv xavzasi. Xalqasimon marjon orollari o’rtasidagi suv xavzasi ham Laguna deyiladi.

Lava – (lotincha labes- ko’chki)- vulqonlar og’zidan yoki yer po’stidagi yoriqlardan yer yuzasiga oqib chiqib, gazlarning bir qismini yo’qotgan magma.Yer yuzasida lava xarorati 1000-1200 C bo’ladi. Lavaning qotishidan vulqon tog’jinslari. Masalan, balzat xosil bo’ladi.

Lab – Daryo, ko’l, jar va boshqa suv xavzalari soxilining qirg’oq bo’yi qismi. Joy nomlari tarkibida ham bor. Masalan: Buxorodagi Labixovuz.

Landshaft – (nemischa land- yer va shaft- manzara)- tabiiykomplekslarni umumlashtiruvchi tushuncha:geologiyasi, re’lefi, iqlimi, tuproqlari, o’simlik turkimi, xayvonot dunyosi, yer osti va yer usti suvlari rejimining bir xilligi bilan ajralib turadigan va tabiiy chegaralarga ega bo’lgan xudud. Landshaftshunoslikda landshaftning uch xil tushunchasi mavjud. Ular : regional tushuncha, tipologik ya’ni umumlashtiruvchi tushuncha, landshaft umumiy tushunchasi kabilardan iborat.