Таълим вазирлиги самарқанд иқтисодиёт ва сервис институти «Менежмент ва статистика» кафедраси

«МЕҲМОНХОНА ХЎЖАЛИГИДА ХИЗМАТЛАР СИФАТИНИ БОШҚАРИШ»
ФАНИДАН
ГЛОССАРИЙ
«МЕҲМОНХОНА ХЎЖАЛИГИДА ХИЗМАТЛАР СИФАТИНИ БОШҚАРИШ» ФАНИДАН ГЛОССАРИЙ


Битим — икки томон ўртасида бойликлар билан тижорий алмашиниш: битимлар пулли ёки бартер булади.
Бозор — товарларнинг реал ва потенциал сотувчи ва харидорлари мажмуи харакат қиладиган алмашиниш сохаси; товарларни сотиш билан борлиқ алмашиниш сохасидаги иқтисодий муносабатлар мажмуи.
Бозорни сегментлаш — харидорлар, бозорларни харидорлар ундови ва бошқа ўзига хос хусусиятларга қараб, алохида гуруҳ, қисм (сегмент) ларга ажратиш.
Бозор сегменти — маркетингнинг ундовчи рағбатлантиришига бир хил жавоб берадиган харидорлар мажмуи.
Буюртма — маълум товар (хизмат) ни харид қилиш хақида жиддий ният билдирилган ва сотиб олиш учун барча зарурий талаблар баён қилинган хужжат.
Воситачилар — товарларни транспортлаш, сақлаш, сотиш ва бошқа воситачилик хизматларини бажарувчи алохида шахслар ёки ташкилотлар.
Демпинг — товарларни ўртача бозор нархидан сезиларли даражада пастроқ, айрим хрлларда таннархидан хам пастроқ нархга сотиш.
Диверсификация — товар ассортиментини алмаштириш, фирманинг асосий ишлаб чиқариши билан боғлиқ бўлмаган сохаларга кириши.
Дилер — савдогар, истеъмолчи ва ишлаб чиқарувчи ўртасидаги воситачи; ўз ҳисобидан битимлар тузадиган биржа савдогари.
Инвестор — бўш пул маблағларига эга ва уларни қимматбаҳо қоғозларни сотиб олишга тайёр ташкилот, шахслар.
Ишлаб чиқариш ва сотиш имконларининг тахлили — уйланган товар ва маркетинг стратегияси фирма мақсадларига мувофиқлигини аниқлаб берадиган сотиш, харажат ва фойданинг мўлжалланган назорат кўрсаткичларининг таҳлили.
Ишлаб чиқарувчи — сотиш учун маҳсулот ёки хизмат ишлаб чиқарувчи фирма.
Квота — маълум турдаги товарларни мамлакатга олиб киришга (импорт) ёки мамлакатдан олиб чиқишга (экспорт) рухсат этилган миқдорий чегараси.