Steam taʼlimining fanining texnologiya oʼqituvchisini tayyorlashdagi oʼrni

Rivojlanish istiqbollari

O‘zbekiston Respublikasi Vazirlar Mahkamasining 2017 yil 15 martdagi umumiy o‘rta ta’lim to‘g‘risidagi nizomni tasdiqlash haqidagi hamda 2017 yil 6 apreldagi “Umumiy o‘rta va o‘rta maxsus, kasb-hunar ta’limining davlat ta’lim standartlarini tasdiqlash to‘g‘risida”gi qarorlari o‘qitish tizimini yangi bosqichga ko‘tarishga imkon yaratadi6 .
Umumta’lim tizimida davlatimiz rahbari Shavkat Mirziyoyev ilgari surgan O‘zbekiston Respublikasini yanada rivojlantirish bo‘yicha Harakatlar strategiyasining ijtimoiy soha rivojiga doir tegishli yo‘nalishida ta’lim bo‘yicha ustuvor vazifalar belgilandi.
Shu o‘rinda o‘quvchilarni kasb-hunarni to‘g‘ri tanlashga yo‘naltirish maqsadida “Mehnat ta‘limi" fani ham “Texnologiya” fani deb o‘zgartirildi va bugungi kun talabidan kelib chiqib, ko‘p tarmoqli yo‘nalishlarga asoslangan holda qayta ishlandi.“Mehnat ta’imi” fanining “Texnologiya” fani deb o‘zgartirilishi ushbu fan sohasini yanada boyitish, uni texnologiyalashtirish, ya‘ni fanga innovatsion texnologiyalarni olib kirish, innovatsion faoliyatni yaratish, mahsuldorlikni oshirish kabi jadal suratlarni ro‘yobga chiqarish, shu bilan birga fanni takomillashgangan qirralarini ochish kabi bir qancha vazifalardan iboratdir.
Davlat taʼlim standartining maqsadi – umumiy o‘rta taʼlim tizimini mamlakatda amalga oshirilayotgan ijtimoiy-iqtisodiy islohotlar, rivojlangan xorijiy mamlakatlarning ilg‘or tajribalari hamda ilm-fan va zamonaviy axborot-kommunikatsiya texnologiyalariga asoslangan holda tashkil etish, maʼnaviy barkamol va intellektual rivojlangan shaxsni tarbiyalashdan iborat.
Davlat taʼlim standartining vazifalari quyidagilardan iborat:
umumiy o‘rta taʼlim mazmuni va sifatiga qo‘yiladigan talablarni belgilash;
milliy, umuminsoniy va maʼnaviy qadriyatlar asosida o‘quvchilarni tarbiyalashning samarali shakllari va usullarini joriy etish;
o‘quv-tarbiya jarayoniga pedagogik vazamonaviy axborot-kommunikatsiya texnologiyalarini joriy etish,umumiy o‘rta taʼlim muassasalarining o‘quvchilari va bitiruvchilarining malakasiga qo‘yiladigan talablarni belgilash;
kadrlarni maqsadli va sifatli tayyorlash uchun taʼlim, fan va ishlab
chiqarishning samarali integratsiyasini taʼminlash;
taʼlim va uning pirovard natijalari, o‘quvchilarning malaka talablarini egallaganlik darajasini tizimli baholash tartibini, shuningdek taʼlim-tarbiya faoliyati sifatini nazorat qilishning huquqiy asoslarini takomillashtirish;
davlat taʼlim standartlari talablarining taʼlim sifati va kadrlar tayyorlashga qo‘yiladigan xalqaro talablarga muvofiqligini taʼminlash.
Maʼlumki, O‘zbekiston Respublikasi Vazirlar Mahkamasining 2017 yil 6 apreldagi “Umumiy o‘rta va o‘rta maxsus, kasb-hunar taʼlimining davlat taʼlim standartlarini tasdiqlash to‘g‘risida”dagi 187-sonli qarori 1-ilovasining 4-bobida Davlat taʼlim standarti quyidagi tarkibiy qismlardan iborat ekanligi belgilangan:
umumiy o‘rta taʼlimning tayanch o‘quv rejasi;
umumiy o‘rta taʼlimning o‘quv dasturi;
umumiy o‘rta taʼlimning malaka talablari; baholash tizimi.