Statistika fanidan glossariy

Qoplanmaydigan operatsiyalar. Biryoqlama operatsiya jarayonida operatsiya qatnashchisi boshqa qatnashchiga iqtisodiy qiymatga ega bo’lgan nimanidir berib , o’rniga to’g’ridan-to’g’ri badal olmasa, bunday operatsiyalar qoplanmaydigan deyiladi.
Joriy va kapital operatsiyalar. Davlat moliyasi statistikasi tizimida kapital operatsiyalarga asosiy kapitalni sotib olish, berib yuborish, qurish yoki sotib yuborish hamda asosiy kapitalni ishlab chiqarish maqsadlari uchun tovar va xizmatlar xaridi bilan bog’liq bo’lgan operatsiyalar kiradi.
Byudjet yili - moliya yili O’zbekiston Respublikasida jahonning ko’pgina mamlakatlaridagidek-kalendar (01 yanvardan 31 dekabrgacha) yiliga tengdir.
Daromadlar - u yoki bu faoliyat natijasida olinadigan pul yoki boshqa iqtisodiy qiymatlar.
davlatning soliq (ba’zi fiskal) siyosati. Davlat tomonidan davlat byudjetini barcha bo’g’inlari daromad qismini vujudga keltirishda qo’llaydigan kompleks (uyg’unlashgan) tadbirlari davlatning soliq (ba’zi fiskal) siyosati deyiladi.
Moliya statistikasida grantlar – qaytarilmaydigan, beg’araz (qoplanmaydigan), majburiy bo’lmagan (muntazam bo’lmagan, biryo’la subventsiya, hayr-ehson, reparatsiya turidagi) tushumlardir.
Sarflar (xarajatlar emas) qaytarilmaydigan, ya’ni moliyaviy majburiyatlarni paydo qilinishi yoki uzilishi (to’lanishi) bilan bog’liq bo’lmagan holda qoplanadigan yoki qoplanmaydigan tarzda amalga oshiriladi.
Kredit resurslari banklar, xalq xo’jalik tarmoqlari, sug’urta kompaniyalari, chet el faoliyati va aholi resurslaridan tashkil topadi.
Kredit qo’yilmalari deb banklarni va boshqa kredit muassasalarining korxona, tashkilot va aholiga haqiqiy berilgan summalariga aytiladi.
Kreditni aylanish darajasi ikki ko’rsatkich bilan o’lchanadi - kerditdan foydalanish vaqti (muddati), bir davr ichida kredit oborotlari soni.
Kreditdan foydalanishi vakti t o’rtacha kredit qoldiqlarini bir kunlik oborotga nisbati bilan hisoblanadi