«Soha iqtisodoyoti va menejment» fanidan Ma’ruzalar tuplami Nukus-2020 Ma’ruza 1

2. Корхона ходимларининг малакавий гурухланиши
Узбекистондаги ташкилот ва корхоналарнинг барча ходимлари куйидаги малака белгиларига караб бўлинади:

• 
  ишлаб чикариш жараёнида бажариладиган вазифаларга кура категориялар бўйича ишчилар (асосий ва ёрдамчи), мухандис-техник ходимлар (МТХ), хизматчилар, кичик хизмат кўрсатувчи персонал (КХП), шогирдлар, сокчилар;
  
• 
  хакикий фаолият характерига (машгулотлар турига) караб. Бу ўринда ходимни мухандис-техник ходимлар (МТХ) тоифасига киритиш учун асос бўлиб унинг маълумоти эмас, балки эгаллаб турган лавозими хизмат килади. Маълумотларни таснифлашга асос килиб касбий ва тармок белгиларининг бирга кўшилиши олинади;
  
• 
  ишчиларнинг технология жараёнида иштирок этиш тамойили бўйича. Ишчилар махсулот ишлаб чикариш бўйича асосий ва ёрдамчи ишчиларга бўлинади, МТХ – рахбарларга, мутахассисларга ва техник ижрочиларга бўлинади;
  
• 
  иш муддати бўйича: доимий, мавсумий ва муваккат (вактинча) ходимлар.
  

Моддий ишлаб чикариш сохасининг барча ходимлари икки гурухга бўлинади: а) асосий фаолиятда банд бўлган персонал. Саноатда бу ходимлар саноат ишлаб чикариш персоналини ташкил этади; б) асосий бўлмаган фаолиятда иш билан банд ёки бошка персонал. Бу категорияга корхона таркибига кирадиган носаноат ташкилотлари персонали киради.
Маъмурий-хукукий тамойили ходимларни эгаллаб турган лавозимига караб фарклашни назарда тутади: завод директори, цех бошлиги, бош режачи, бош бухгалтер ва хоказолар
Функционал тамойили бошкарув ходимларини касблар (мутахассисликлар) буйича гурухларга бўлишни назарда тутади.
Бозор иктисодиёти шароитида корхона персонали дейилганда, факат ёлланиб ишлаётганларнигина эмас, балки самарали хўжалик фаолиятини таъминловчи мулкдорларни хам тушунмок лозим.
Замонавий корхонанинг тузилиши куйидагичадир:

1. 
   Корхона ходимлари.
   
2. 
   Бошкарувчилар (менежерлар).
   
3. 
   Акциядорлар.
   
4. 
   Директорлар кенгаши. У фирманинг фаолияти учун ва фирма стратегияси даражасида бошкарувга оид карорлар кабул килиниши учун тўлик жавобгар бўлади(15-20 киши).
   
5. 
   Фирманинг фаолият кўрсатишидан манфаатдор бўлган гурухлар ёки томонлар.