Sh. Yuldasheva, D. Kabulova, M. Sobirova

XIZMAT KO‘RSATISH MADANIYATI
(Rasmiy-idoraviy hujjatlarning til xususiyatlari)
Reja
:
1. Mavzuga oid matnni o‘qish, o‘rganish, tahlil qilish.
2. Rasmiy-idoraviy hujjatlarning til xususiyatlarini o‘rganish.
3. Mavzu yuzasidan mashq va topshiriqlar ustida ishlash.
GILAMCHILIK SANOATI
Gilamchilik sanoati — tabiiy (hayvon juni, o‘simlik tolasi) va sun’iy
toladan turli xil gilam ishlab chiqaruvchi sanoat tarmog‘i. Gilamchilik
badiiy hunarmandchilik sohasi sifatida rivojlanib kelgan. Sanoat tarmog‘i
sifatida XX asrda shakllandi. Bu davrga kelib gilam to‘qiydigan maxsus
artellar paydo bo‘ldi, uni qo‘lda to‘qishdan asta-sekin mashinada to‘qishga
o‘tila bordi. O‘zbekistonda 1988-yilda Xiva gilam to‘qish kombinati tashkil
etilishi bilan gilamchilik sanoati mahalliy sanoatning muhim tarmog‘iga
aylandi. Keyinchalik gilam to‘qiydigan korxonalar soni ortib borishi
natijasida gilamchilik sanoati alohida sanoat tarmog‘i sifatida ajralib chiqdi.
Gilam to‘qish ayniqsa, mahalliy sanoatdagi eng rivojlangan tarmoq-
lardan biri hisoblanadi. Buxoro, Shahrisabz, Urgut, Nurota, Bulung‘ur va
boshqa shaharlardagi korxonalarda qo‘lda to‘qilgan gilam va paloslarda
mahalliy uslub va badiiy usullar saqlanib kelmoqda. O‘zbekiston musta-
qillikni qo‘lga kiritgach, xalqaro aloqalarning mustahkamlanib borishi va
gilamchilik sanoati korxonalariga chet mamlakatlar yirik firmalaridan
zamonaviy texnologiyalari va asbob-uskanalari keltirilib o‘rnatildi, shu-
ningdek, qo‘shma korxonalar tashkil etildi. “Xiva gilami” aksiyadorlik
jamiyati shunday korxonalardan biridir. Bu korxonalarda ishlab chiqa-
rilayotgan mahsulotlar eksport qilinmoqda.
O‘zbekiston Milliy Ensiklopediyasidan.
Savol va topshiriqlar.
1. O‘qish va yashash joyingizdagi maishiy xizmat turlarini ayting, ularning
manzilini tushuntiring
2. Biror tovar (mahsulot)ning narxini tushirishga oid nutqiy vaziyatni rolli
ijro eting.
3. Biron narsaning reklamasini ixcham va diqqatni tortadigan tarzda ifo-
dalovchi matn tuzing va uni ifodali o‘qing.
Goh sharobdan, goh og‘udan qilar bizni mast.
Belginangga tirak bo‘lay, onajonim, tur,
Dorilamon quyoshga boq, unga qasdma-qasd.
Yuzing ardoqli quyoshday issiq va mahvash,
Ko‘zlaringda umid yonar tikilgan oni.
Qorli kunlar bilan ketsin dilingdagi g‘ash,
Qizg‘ish, lolarang qoplaydir bu kun dunyoni.
Bu dunyoning qir-darasin xosiyati mo‘l,
Yerni yalangoyoq bossang, yayraydi taning.
Yashamoq — bir tansiq taom, unga ursang qo‘l,
Borgan sari ochiladir ishtahang saning.
Bog‘lardagi yetilgusi har mevali shox
Rizqdir bizga, rizqqa doim dil ilinjlikdir.
O‘g‘lonlaring kelar ana, ochishib quchoq,
O‘g‘lonlaring meva qadar bir shirinlikdir.
Onaginam!
O‘zing tortma davralardan, el chorlaganda,
«Tiriklikning bayrami» deb sozlaganda tor.
O‘zing so‘lg‘in lablar bilan pichirlaganday:
«Bu kunlarga yetganlar bor, yetmaganlar bor».
Halima Xudoyberdieva