«Servis va turizm» fakulteti «Xalqaro turizm va turizm servisi» kafedrasi

Urganch shahridagi boshqa mehmonxonalar
faoliyatining tahlili

Biz yuqorida “Xorazm Palace” mehmonxonasining faoliyati va unda ko‘rsatiladigan xizmatlarini tahlil qildik. Bundan tashqari hozirgi kunda viloyat miqiyosida bir qancha xususiy mehmonxonalar faoliyat olib borib, turistlarga xizmat ko‘rsatib kelmoqda. Ayni paytda viloyatda 27 mehmonxona, 9 turistik firma va turagentlik faoliyat ko‘rsatmoqda. Shunday mehmonxonalardan yana biri “Fayz” mehmonxonasi bo‘lib, faoliyati va xizmat turlari bo‘yicha Urganch shahridagi boshqa mehmonxonalar bilan raqobatlasha oladi.



24-rasm. “Fayz” mehmonxonasining ko‘rinishi

“Fayz” mehmonxonasi Urganch shahri Al-Xorazmiy ko‘chasi 66a uyda joylashgan bo‘lib, uch yulduzli mehmonxona hisoblanadi. Ushbu mehmonxona ning afzallik tomoni shundaki, u aeroport yo‘lida Urganch shahrining markaziy ko‘chasida joylashgan. Mehmonxona 3 qavatli bo‘lib, nomerlar soni 37 tani tashkil qiladi. Shundan 14 tasi bir kishilik, 17 ta ikki kishilik va 6 ta apartament nomerlardir. Nomerlar mehmonxonaning ikkinchi va uchinchi qavatlarida joylashgan. Birinchi qavatida 80 kishiga mo‘ljallangan restoran joylashgan.

Mehmonxonada ham turistlar uchun, ham mahalliy aholi uchun mo‘ljallangan

alohida kafe va bari xizmat qiladi.



25-rasm. “Fayz” mehmonxonasining xoli

“Fayz” mehmonxonasi har bir mijozga yaxshi dam olishi va yashashi uchun qulay, jahon talablariga javob beradigan sifatli xizmat turlarini taklif qiladi. Shuningdek, shved stoli asosida bepul nonushta, Wi-Fi internet xizmati kabi keng qamrovli qo‘shimcha servis xizmatlari ko‘rsatiladi. Nomerlarda: konditsioner, telefon, televizor, minibar va vannasida fen mavjud.

Agar mehmonxonaga kelgan mijozlar yoki turistlar 7 kundan ortiq vaqtgacha yashasa, ularga nomerlar narxi uchun 10 % chegirmalar taklif qilinadi. Quyida “Fayz” mehmonxonasidagi nomerlar narxining jadvali keltirilgan.

2-jadval

“Fayz” mehmonxonasidagi nomerlar narxi