Самарқанд вилоятининг Самарқанд шаҳри ва Самарқанд тумани чегараларини ўзгартириш тўғрисида

Afg‘onistonda terrorchilar prezidentning saylovoldi chiqishi vaqtida portlashni amalga oshirdi. 25 nafar odam halok bo‘ldi

Afg‘onistonning Parvon viloyatida mamlakat prezidenti Ashraf G‘anining saylovoldi tadbiri vaqtida portlash amalga oshirildi. Bu haqda Meduza xabar berdi.
Politsiya mashinasiga o‘rnatilgan bomba tadbir kirish joyi yaqinida portlagan. Hodisa natijasida prezident va uning atrofidagi mas’ullarga zarar yetmagan, halok bo‘lganlar soni 25 ta, turli darajadagi tan jarohati olgan odamlar esa 31 nafarni tashkil etadi.
Hozircha sodir bo‘lgan ushbu voqea yuzasidan hech kim mas’uliyatni o‘z zimmasiga olgani yo‘q.
Afg‘onistonda prezidentlik saylovlari 28-sentabrda bo‘lib o‘tishi rejalashtirilgan. Avvalroq “Tolibon” harakati vakillari saylovlarni buzishga urinishini ma’lum qilgandi.

Rossiyaning Arxangelsk shahrida haydovchilarning tezlikni oshirishiga antiqa usulda kurash boshlandi

Rossiyaning Arxangelsk shahri hokimligi o‘tgan haftada Leningrad ko‘chasiga chap qo‘lida chalg‘i va o‘ng qo‘lida eng kam tezlik 60 km/soatgacha yo‘l belgisini ushlagan qora ridoli murda haykalini o‘rnatdi, deya ma’lum qildi Meduza.
Shahar hokimiyati tashabbusi bilan mahalliy rassom tomonidan yasalgan ikki metr balandlikdagi yog‘och haykal savdo markazlaridan birining yoniga o‘rnatildi. Hokimlik vakillarining g‘oyasi bo‘yicha ushbu dahshatli haykal haydovchilarga mashinada ehtiyotkorlik bilan yurishni eslatadi.
Biroq ushbu san’at asari o‘rnatilgan yerida bir sutka ham turmagan, noma’lum sabablarga ko‘ra yo‘qolib qolgan. Avvaliga shahar hokimiyati o‘g‘irlik sodir bo‘lgani haqida politsiyaga shikoyat qilmoqchi bo‘lgan, lekin dushanba kuni ko‘rinishiga bir oz putur yetgan haykal savdo markazi atrofidagi hududdan topilgan.
Arxangelsk shahri hokimiyatining vakili Irina Bunovskaya bergan intervyusida, haykalning yana o‘z joyiga qaytarib o‘rnatilishini ma’lum qildi. Shahar rasmiylari, keyinchalik haykalni ko‘chma qilish, avtomobillar ko‘p qatnaydigan va shaharning xavfli trassalariga o‘rnatishni rejalashtirgan.