Rivojlantirish va muvofiqlashtirish hududiy boshqarmasi karmana tuman kasb-hunar maktabi

O’ZBEKISTON RESPUBLIKASI OLIY VA

O’RTA MAXSUS TA’LIM VAZIRLIGI
NAVOIY VILOYATI KASBIY TA’LIMNI

RIVOJLANTIRISH VA MUVOFIQLASHTIRISH

HUDUDIY BOSHQARMASI
KARMANA TUMAN KASB-HUNAR MAKTABI
"ANIQ FANLAR" KAFEDRASI
«INFORMATIKA VA AXBOROT TEXNOLOGIYALARI»
FANIDAN



Navoiy - 2020 yil

Ushbu ma’ruza matni namunaviy dastur asosida tuzilgan bo’lib, maktabning barcha kurs va yo’nalishlardagi o’quvchilar egallashi kerak bo’lgan bilim va ko’nikmalarni o’z ichiga oladi

Tuzuvchilar: A.Xotamova – Karmana tumani kasb-hunar maktabi “Informatika va axborot texnologiyalari” fanidan oliy ma’lumotli

o’qituvchisi

Sh.Xayrullayeva- Karmana tumani kasb-hunar

maktabi “Informatika va axborot

texnologiyalari” fanidan oliy ma’lumotli o’qituvchisi

Ma’ruzalar matni “Aniq fanlar” kafedrasining 2020 yil “_____”____ dagi _____-sonli yig’ilishida muhokama qilindi va ma’qullandi.

Ma’ruzalar matni Metodik kengashning 2020 yil “_____”____ dagi _____-sonli yig’ilishida muhokama qilindi va o’quv jarayoniga foydalanish uchun tavsiya etildi.

KIRISH
Respublikamizda olib borilayotgan islohotlarning taqdirida yuqori malakali mutaxassislarning roli benihoya kattadir. Prezidentimiz ta'kidlaganlaridek: «Ertangi kun yangicha fikrlay oladigan, zamonaviy bilimga ega bo’lgan yuksak malakali mutaxassislarni talab etadi». Shu sababli xalqimizning boy intellektual merosi va umumbashariy qadriyatlari, zamonaviy madaniyat, iqtisodiyot, fan, texnika va texnologiyalar asosida yetuk mutaxassislar tayyorlash tizimi ishlab chiqildi va jadal sur'atlar bilan hayotga tatbiq etilmoqda.

Ta'lim tizimidagi chuqur va keng ko’lamli islohotlarning mazmuni va amalga oshirish muddatlari O’zbekiston Respublikasining «Ta'lim to’g’risida»gi qonun va «Kadrlar tayyorlash milliy dasturi»da uz ifodasini topgan. Jumladan, «Kadrlar tayyorlash milliy dasturi»da ta'kidlanganidek, «kadrlar tayyorlash tizimi va mazmunini mamlakatning ijtimoiy va iqtisodiy tarag’kiyoti istikbollaridan, jamiyat ehtiyojlaridan, fan, madaniyat, texnika va texnologiyaning zamonaviy yutuklaridan kelib chiqqan holda qayta ko’rish» lozim.

Bu ishlarni amalga oshirishda o’rta maxsus, kasb-hunar ta'limi vazifalari aloxida e'tiborga loyiqdir. Hozirgi kunda ta'lim tizimida yangi bosqich bo’lgan kasb-hunar ta'limini zarur me'yoriy xujjatlar, zamonaviy texnika va texnologiyalar bilan ta'minlash borasida bir qator ishlar amalga oshirilmoqda.O’zbekiston Respublikasi Vazirlar Mahkamasining qarori bilan «O’rta maxsus, kasb-hunar ta'limining davlat ta'lim standarti» va «O’rta maxsus, kasb-hunar ta'limining umumta'lim fanlari davlat ta'lim standarti» tasdiqlandi. Ularda kursatib utilganidek, o’rta maxsus, kasb-hunar ta'limi muassasalarining bitiruvchilariga qo’yiladigan fundamental fanlar va aniq kasb sohasi doirasida nazariy va amaliy bilimlarga ega bo’lish, kompyuter va telekommunikatsiya vositalaridan foydalana olish, tahsil olish uchun zarur bo’lgan bilimlar majmuasiga ega bo’lish vazifasi qo’yilgan. Shu talablardan kelib chiqqan holda, kasb-hunar kollejlari uchun «Informatika» fanidan namunaviy o’quv dasturi ishlab chiqildi va O’zbekiston Respublikasi Oliy va o’rta maxsus ta'lim vazirligining O’rta maxsus, kasb-hunar ta'limi Markazi tomonidan tasdiqlandi.

«Yoshlikning epchillik va bardoshliligini faoliyatning shunday sohasini izlashga ishlatish kerakki, bu faoliyat yetarlicha ichki mazmunga va yetarlicha real qimmatga ega bo’lib, senga butun hayoting davomida tanlagan yo’nalishi bo’yicha unumli ishlash imkonini ta'minlasin», degan edi Kibernetika fanining asoschisi Norbert Viner. Bugungi kunda kasb-hunar yo’nalishlarining zamonaviyligi ularning kompyuterlashtirilganlik darajasi bilan o’lchanmoqda. Shu bois informatika va yangi axborot texnologiyalarining jamiyatimiz ijtimoiy va iqtisodiy hayotiga jadal sur'atlar bilan kirib kelganligi zamonamizning xos xususiyatlaridan biri bo’lsa, informatika fanini uzlashtirish — davr talabidir.