Respublika ta’lim markazi umumiy o‘rta ta’limning davlat ta’lim standarti va o‘quv dasturi boshlangich ta`lim ona tili

2-mavzu. Vatan (1 soat).
Vatan hamma xalqlar uchun birdek azizligi. Vatan atamasi. Vatanning muqaddasligi. Vatanimizda yashab o‘tgan buyuk shoirlar, olimlar, mutafakkirlar. O‘tmishda vatan uchun kurashgan, jon fido qilgan qahramonlar. Har bir kishining vatan oldidagi burchi. Ongli, ifodali, to‘g‘ri, tez o‘qish.
3-mavzu. Toshkent – O‘zbekistonning poytaxti (1 soat).
O‘zbekiston poytaxti Toshkent shahri haqida ma’lumot. Toshkent shahrining o‘tmishi. Toshkent - Sharq darvozasi. Poytaxtimiz ta’rifi. Toshkent bog‘lari, muzeylari. Toshkent metrosi. Mavzuga doir maqol, topishmoqlar. Ongli, ifodali, to‘g‘ri, tez o‘qish.
4-mavzu. Biz – Vatanning ertasi. Muqim Qodir (1 soat).
Buyuk ajdodlarimiz bilan faxrlanish hamda ularga munosib bo‘lish. Nega shoir “Biz vatanning ertasi” deganligi. Vatanning ertasini obod qilish uchun o‘quvchilar oldida turgan vazifalari. Vatanning kelajagi yosh avlod qo‘lidaligi. She’r mazmuniga mos maqol, topishmoq va tez aytishlar. Ongli, ifodali, to‘g‘ri, tez o‘qish.
A1+
Mavzu. Sinfdan tashqari o‘qish (1 soat).
Маvzu. Vatanim. O‘tkir Rashid (1 soat).
She’rda chaman gullarga, sayroqi bulbullarga, sho‘x kuylarga to‘lgan go‘zal va boy yurtimiz haqida kuylanishi. Ongli va ifodali o‘qish.
5-6-mavzu. Tandir. Rivoyat (2 soat).
Muhammad otaning vasiyati. Alisher Navoiyning bergan maslahati va uning natijasi. Yaxshi kun kechirish uchun o‘ylab ish qilish kerakligi. Rivoyatdan ko‘zda tutilgan maqsad. Rivoyat qahramoni timsolida vatanga muhabbat. “Yangi uy qurmay turib, eskisini buzmang” hikmatli so‘zining mazmuni. Milliy qadriyatlarimizning tarbiyaviy ahamiyati. Mavzuga doir tez aytish, topishmoqlar. Ongli, ifodali, to‘g‘ri, tez o‘qish.
7-mavzu. Ozod Vatan – obod Vatan. Normurod Narzullayev (1 soat).
She’rda Vatan tavsifi. Farzandlarning Vatan oldidagi burchlari va Vatanning mo‘tabarligi. Maqol va topishmoqlar. Ongli, ifodali, to‘g‘ri, tez o‘qish.