Режа: Суд хокимиятининг чинакам мустақиллигини таъминлаш, суднинг нуфўзини ошириш, суд тизимини демократлаштириш ва такомиллаштириш

“Адолат қўрғони” га айлантириш мақсадида сўнгги йилларда тўпланиб қолган муаммоларни бартараф этиш, йўл қўйилган хато ва камчиликларни тузатиш борасида амалий қадамлар ташланмоқда.
Бу борада давлатимиз раҳбарининг 2018 йил 17 февралдаги “Ўзбекистон Республикаси суд тизими тузилмасини тубдан такомиллаштириш ва фаолияти самарадорлигини ошириш чора-тадбирлари тўғрисида”ги Фармони муҳим дастуриламал бўлаётир. Унда тизимни такомиллаштириш ва мақбуллаштириш борасидаги ўзгаришлар, судьяларнинг малака ва маҳоратига нисбатан талабчанлик оширилиши, суд жараёнларини пухта ташкил этиш бўйича ўртага қўйилган масалалар ўз бурчи ва қасамёдига содиқ ҳар бир судьяни адолат тарозисини маҳкам тутишга ундайди.
Тизимни ислоҳ қилиш жараёнида жиноят ишларини қўшимча терговга қайтаришдек одил судлов мазмун-моҳиятига мутлақо тўғри келмайдиган амалиётга чек қўйилгани айни муддаодир. Бинобарин, тажрибасиз ҳамда масъулиятни зиммасига олишдан чўчийдиган айрим судяларга қўл келадиган бу усул суд нуфузини тушириб, фуқароларнинг унга нисбатан ишончини сусайтириб қўйган эди.
Ўтган йиллар давомида суднинг барча даражаси туман, шаҳар, вилоят, ва Республика Олий суди фаолиятида жиноятчиликнинг мураккаб турларига оид ишларни кўриб чиқиш жараёнларида бевосита чиқарган қарорларнинг ҳеч бири такрор кўришга қайтарилган эмас.
Одамлар судьянинг нохолислиги, ишларнинг юзаки кўрилиши, сансалорликлардан нолиб бўлишган. Бундай ҳолатлар негизида мутахассисларда малака етишмаслиги, уларнинг масъулиятсизлиги, далилни тўла текширмасдан хулоса чиқариши ётганлигини гувохи бўлиш мумкин. 
Бугун биз ҳуқуқий демократик давлат қураяпмиз. Шундан келиб чиқиб, қонунларимиз ҳам такомиллаштирилмоқда. Масалан, собиқ тузум даврида бир хил шаклдаги қонунлар асосида яшаб, меҳнат қилган бўлсак, мустақиллик даврида ҳуқуқий асосларимиз миллий қадрият, урф-одатларимизга мослаб янгидан ишлаб чиқилди, халқимизга хос бағрикенглик ва инсонпарварлик тамойиллари асосида маромига етказилди. Энди ҳамма гап уларни оғишмай амалга ошириш, Президентимиз ва халқимиз олдида судялар берган қасамёдига содиқ фаолият олиб боришда қолди холос.

1 http://kun.uz/news4376

2^ Robert Peel. History and Structure of American Law Enforcement.Part Two Law Enforcement.Chapter 5.p.142.

3^ Jones & Bartlett.The Fieled of law Enforcement.Chapter 1. 2011. p.2.

4^Ўзбекистон Республикаси қонун ҳужжатлари маълумотларининг миллий базаси – www.lex.uz